Mae gan Fwrdd Iechyd Prifysgol Bae Abertawe enw rhagorol ers amser maith am gynnal ymchwil fasnachol. Mae Bwrdd Iechyd Prifysgol Bae Abertawe yn darparu nifer o wasanaethau, ac yn gweithio'n agos gyda noddwyr masnachol, i adeiladu portffolio ymchwil amrywiol gan gynnwys:

• Dolenni uniongyrchol i Brif Ymchwilwyr, sy'n ymdrin â phob maes iechyd a lles sy'n edrych i ehangu ar eu gweithgareddau ymchwil a datblygu trwy'r Bwrdd Iechyd
• Cyngor a chefnogaeth contractau, gan hwyluso proses adolygu a thrafod effeithlon ar gyfer sefydlu ymchwil newydd
• Sefydlu a rheoli astudiaethau rhagweithiol o fewn y Bwrdd Iechyd, gan gynnwys, goruchwylio cyflwyno astudiaethau ansawdd uchel

Gall noddwyr masnachol sy'n dymuno gwybod mwy am y gwasanaethau a'r sefydlu a broseswyd yng Nghymru ddod o hyd i wybodaeth ar wefan Ymchwil Iechyd a Gofal Cymru. Mae Ymchwil Iechyd a Gofal Cymru yn darparu nifer o wasanaethau i gefnogi cynnydd ymchwil fasnachol yn y GIG yng Nghymru, gan gynnwys:

• Cyfeirio Cyffredinol - Gwasanaeth gwybodaeth a chyngor sydd ar gael i gwmnïau sydd am gychwyn neu ehangu ar eu gweithgareddau ymchwil a datblygu yng Nghymru.
• Cydlynu Dichonoldeb - Mae system ganolog a chydlynol ar waith i hwyluso asesiadau dichonoldeb dibynadwy, gan alluogi adnabod safleoedd newydd yn gyflym ledled Cymru.
• Cyngor a Chefnogaeth Contractau - Mae cyngor arbenigol ar gael i gydweithwyr yn y GIG a'r diwydiant i gefnogi contract yn effeithlon, a hwyluso sefydlu astudiaethau'n gyflym.
• Sefydlu a Rheoli Astudiaethau - Mae cefnogaeth ar gael i alluogi sefydlu astudiaethau yn y GIG yn effeithiol ac yn effeithlon a, lle bo angen, i oruchwylio cyflwyno astudiaethau.