Tudalen wedi'i diweddaru: 16.01.23

Oes angen ED arnaf?

Ar hyn o bryd mae'r GIG yn profi lefelau uchel iawn o alw.

Mae hyn yn fwyaf amlwg ar 'ddrws ffrynt' ysbyty, gyda'r Adran Achosion Brys (a elwir hefyd yn Ddamweiniau ac Achosion Brys - A&E) yn mynd yn brysur iawn, a all arwain at arosiadau hir i gael eu gweld.

Dewch i’r ED yn Ysbyty Treforys dim ond os oes gennych chi neu rywun annwyl salwch neu anaf sy’n bygwth bywyd fel anawsterau anadlu, poen difrifol parhaus yn y frest, colled gwaed trwm, llosgiadau difrifol, colli ymwybyddiaeth, amheuaeth o strôc, clwyfau dwfn.

Ble arall gallaf gael help?

• Ewch i wefan 111 Cymru i wirio symptomau ac i gael cyngor ar ystod eang o gyflyrau gan gynnwys y camau nesaf.
• Ewch i'ch fferyllfa gymunedol leol i gael cyngor a thriniaeth ar gyfer ystod eang o anhwylderau cyffredin. Mae rhai fferyllfeydd hefyd yn darparu gwasanaeth profi a thrin dolur gwddf i rai chwech oed a throsodd. Ewch i'r dudalen hon ar ein gwefan i gael rhagor o wybodaeth am y gwasanaeth profi a thrin dolur gwddf gan gynnwys pa fferyllfeydd sy'n cymryd rhan.
• Poen dannedd/gwm - Cysylltwch â'ch deintydd eich hun oherwydd gallant ddarparu triniaeth frys. Os nad ydych wedi cofrestru gyda phractis neu'n datblygu problem y tu allan i oriau gwaith arferol ffoniwch 111 a byddant yn eich helpu i ddod o hyd i'ch deintydd brys agosaf.
• Mae'r Uned Mân Anafiadau yn Ysbyty Castell-nedd Port Talbot, Ffordd Baglan, Port Talbot, SA12 7BX, ar agor rhwng 7.30am ac 11pm bob dydd gan gynnwys penwythnosau. Gall drin unrhyw un sy'n un oed ac yn hŷn. Mae'n debygol y cewch eich gweld yn llawer cyflymach yma nag yn Adran Achosion Brys Ysbyty Treforys.