Argyfwng iechyd meddwl yw pan fydd cyflwr meddwl neu emosiynol unigolyn yn gwaethygu'n gyflym. Yn aml mae'n golygu nad ydych chi bellach yn teimlo eich bod chi'n gallu ymdopi neu deimlo fel dod â'ch bywyd i ben.
Gall argyfwng iechyd meddwl fod yn brofiad brawychus, efallai y byddwch chi'n teimlo'n ofnus, wedi'ch gorlethu neu ar eich pen eich hun, ond y peth pwysig i'w gofio yw nad ydych chi ar eich pen eich hun ac mae cefnogaeth ar gael i'ch helpu chi i deimlo'n well.
P'un a ydych chi'n profi dirywiad sydyn mewn problem iechyd meddwl sy'n bodoli eisoes neu'n profi problemau am y tro cyntaf, y peth pwysicaf yw gofyn am help.
Rydyn ni yma i ddarparu help a chefnogaeth. Cysylltwch â ni os oes angen help brys arnoch chi.
Os ydych chi'n gyfarwydd â gwasanaethau iechyd meddwl, dylai eich cynllun gofal a thriniaeth gynnwys manylion beth i'w wneud mewn argyfwng.
Gall hyn gynnwys atgyfeirio i'r Gwasanaeth Noddfa, a ddatblygwyd gan wasanaethau iechyd meddwl ynghyd â Phartneriaeth Ranbarthol Gorllewin Morgannwg a'r elusen iechyd meddwl Hafal.
Ar hyn o bryd darperir cefnogaeth dros y ffôn ac mae ar gael rhwng 6pm a 3am, saith diwrnod yr wythnos, 365 diwrnod y flwyddyn.
Mae'r gwasanaeth wedi'i gynllunio i gefnogi'r rhai sydd mewn argyfwng iechyd meddwl am amryw resymau, gan gynnwys y pandemig, hwyliau isel, a phryderon ariannol a pherthynas, gan eu helpu i wella neu ddad-ddwysáu o achos uniongyrchol yr argyfwng.
Mae gennym hefyd dimau iechyd meddwl argyfwng cymunedol a all helpu i'ch cefnogi yn ystod argyfwng. Unwaith eto, gellir cyrchu'r gwasanaeth hwn trwy eich meddyg teulu neu gydlynydd gofal iechyd meddwl.
Gallwch hefyd gysylltu â'r llinellau cymorth hyn:
Sylwir os gwelwch yn dda bod rhai dolenni allanol ddim ar gael yn y Gymraeg.
Rydym yn croesawu gohebiaeth a galwadau ffôn yn y Gymraeg neu'r Saesneg. Atebir gohebiaeth Gymraeg yn y Gymraeg, ac ni fydd hyn yn arwain at oedi.