Cwynion, Pryderon, Canmoliaeth

Nod Bwrdd Iechyd Prifysgol Bae Abertawe yw darparu'r gofal a'r driniaeth orau gallwn. Rydym yn croesawu'ch holl farnau ac eisiau dysgu o'ch profiadau, da neu ddrwg.

Mae mwyafrif llethol y bobl yn hapus gyda'r gwasanaeth maen nhw'n ei dderbyn. Weithiau, serch hynny, efallai na fydd pethau'n mynd cystal â'r disgwyl. Trwy ddweud wrthym am eich pryderon, gallwn ymddiheuro i chi, ymchwilio a cheisio cywiro pethau. Byddwn hefyd yn dysgu gwersi ac yn gwella gwasanaethau.

Sut alla i godi fy mhryder?

Yn bersonol:

Os ydych chi'n teimlo y gallwch chi wneud hynny, y lle gorau i ddechrau yw trwy siarad â'r staff a oedd yn ymwneud â'ch gofal a'ch triniaeth. Gallant geisio datrys eich pryder ar unwaith.

Trwy ein hymgyrch Dewch i Siarad:

Os ydych chi am roi gwybod am yr hyn rydych chi'n meddwl a allai fod yn ofal gwael tra yn yr ysbyty, neu os ydych chi am ddweud wrthym am ofal gwych, gallwch ddefnyddio ein hymgyrch Dewch i Siarad:

• Dywedwch wrth aelod o staff ar unwaith

• Neu, defnyddiwch ein e-bost pwrpasol: SBU.LetsTalk@wales.nhs.uk

• Neu gallwch ein ffonio ni ar 01639 684440 a gadael neges llais

Bydd eich pryder yn cael ei drin yn gyfrinachol, ac nid oes angen i chi roi eich enw na'ch manylion personol, oni bai eich bod chi eisiau ateb.

Os ydych am wneud cwyn gallwch gysylltu â'r Tîm Adborth Cleifion, sy'n delio â chwynion:

Ffôn: 01639 683363/683316

Neges testun: 07903594520

E-bost: SBU.Complaints@wales.nhs.uk

Neu gallwch ysgrifennu at :

Mark Hackett, Prif Weithredwr

Pencadlys Bwrdd Iechyd BA, 1 Talbot Gateway

Parc Ynni Baglan, Port Talbot,

SA12 7BR

Efallai y bydd adegau pan fydd unigolion, gofalwyr a theuluoedd eisiau canmol y ward am ansawdd y gofal a dderbynnir. Cofnodir pob canmoliaeth gan y sefydliad i fonitro safon y gwasanaethau a roddir i gleifion a'u gofalwyr/ teuluoedd. Bydd nyrsys y ward yn helpu i egluro'r broses hon pe bai canmoliaeth yn cael ei rhoi i'r gwasanaeth.