Ydy Gwasanaethau CAMHS ar gael nawr?

Mae ein gwasanaeth CAMHS wedi parhau i weithio gyda phlant a phobl ifanc ers dechrau pandemig y coronafeirws. Bu'n rhaid i ni newid y ffordd rydyn ni'n rhedeg ein gwasanaeth i gydymffurfio â rheolau'r Llywodraeth. Rydym ni'n dechrau cefnogi llawer o'r bobl ifanc rydyn ni'n eu gweld naill ai drwy ymgynghoriadau rhithwir neu dros y ffôn. Lle bu angen clinigol i weld rhywun yn bersonol, rydym wedi gwneud hyn, ond rydym wedi parhau i gadw at y canllawiau pellhau cymdeithasol.

Rydym ni wedi cynnal nifer o asesiadau risg ym mhob un o'n clinigau ac rydym wedi dechrau cyflwyno mwy o ymgynghoriadau wyneb yn wyneb lle nad yw'n bosibl darparu ymyrraeth therapiwtig o bell. Fodd bynnag, mae angen i'r GIG gadw at y mesurau pellhau cymdeithasol o hyd ac yn genedlaethol mae'n ofynnol i bob ymgynghoriad ddigwydd o bell oni bai bod angen clinigol i hyn ddigwydd wyneb yn wyneb. Mae hyn yn golygu na allwn gael cymaint o bobl yn y clinigau ag arfer ac o ganlyniad mae angen i ni flaenoriaethu pa bobl ifanc rydym yn eu gweld wyneb yn wyneb. Gall hyn achosi oedi na ellir ei osgoi a mwy o amseroedd aros. Gofynnwn i unrhyw un sy'n cysylltu â'n gwasanaethau fod yn ystyriol o'n staff sydd angen gwneud penderfyniadau anodd ar yr adeg hon ac sy'n gweithio'n galed i weld cymaint o blant a phobl ifanc â phosibl.

Er mwyn sicrhau ein bod yn cadw at ganllawiau'r llywodraeth rydych yn debygol o weld rhai newidiadau pan ddewch i'n gweld nesaf. Dyma rai negeseuon allweddol:

PEIDIWCH â mynychu safle'r Ganolfan Plant oni bai eich bod wedi cael eich cynghori i wneud hynny yn benodol. Fe'ch hysbyswyd am drefniadau penodol gan eich Tîm CAMHS lleol neu yn eich llythyr apwyntiad. Os ydych chi'n ansicr, cysylltwch â'ch Tîm lleol am gefnogaeth.
PEIDIWCH â mynychu eich apwyntiad os ydych chi'n sâl a / neu os oes gennych symptomau coronafeirws. Y prif symptomau yw: tymheredd uchel, peswch parhaus newydd a cholli arogl neu flas.
Oherwydd cynnydd sylweddol yn nifer y galwadau ffôn yr ydym yn eu derbyn, gallai gymryd mwy o amser i ni ddod yn ôl atoch. Gwnewch yn glir yn eich neges os yw'ch ymholiad yn un brys a byddwch yn amyneddgar gyda'n staff - maen nhw'n gwneud popeth o fewn eu gallu.
Os byddwn ni'n teimlo bod angen i ni weld eich plentyn yn bersonol, bydd hyn yn cael ei drafod gyda chi a bydd y mesurau sydd eu hangen i'ch cadw chi a'n clinigwyr yn ddiogel yn cael eu hegluro.
Os ydych chi'n ansicr beth yw eich cynllun gofal, ffoniwch y gwasanaeth.
Dim ond os yw'n hollol hanfodol y bydd arsylwadau iechyd corfforol (uchder, pwysau, pwysedd gwaed, pwls a thymheredd) yn parhau i gael eu gwneud. Trafodwch gyda'r clinigwr os oes angen hyn.
Ewch i'r Adran Achosion Brys os oes angen sylw meddygol brys arnoch chi.
Sicrhewch fod eich clinigwr wedi datgan ei hun yn ddigon da i fod yn y gwaith ac y bydd yn cadw at ganllawiau pellhau cymdeithasol (gan gadw pellter o 2 fetr o leiaf) ac y bydd yn golchi ei ddwylo'n rheolaidd.

Os byddwn ni wedi cytuno, bydd angen i chi gael eich gweld yn bersonol. Dyma rai enghreifftiau o'r pethau a allai fod yn wahanol:

Dilyn trefniadau newydd wrth fynychu'r clinig, er enghraifft ffonio'r clinig wrth gyrraedd cyn mynd i mewn i'r adeilad. Bydd y trefniadau lleol yn cael eu cadarnhau gyda chi cyn eich apwyntiad.
Defnyddio glanweithydd dwylo wrth fynd i mewn i'r adeilad.
Dilyn canllawiau pellhau cymdeithasol. Bydd mwy o arwyddion yn y clinig yn egluro'r broses, gan gynnwys systemau unffordd posib.
Eistedd ar wahân yn ystafelloedd y clinig.
Efallai bod rhai staff yn gwisgo masgiau.