Lleddfu cyfyngiadau ymweld yn Ysbyty Treforys

Mae trefniadau ymweld arferol wedi cael eu hadfer yn Ysbyty Treforys ym mhob ardal heb law Ward S o ganol dydd heddiw (Dydd Mawrth, Ionawr 9fed, 2024).

Gallwn wneud hyn oherwydd bod achosion o'r byg chwydu'r gaeaf (Norofirws), Covid, ffliw a C.difficile, sy'n achosi dolur rhydd, wedi gostwng.

Fodd bynnag, rydym yn adolygu'r sefyllfa'n barhaus ac efallai y bydd yn newid.

Efallai y bydd angen i wardiau hefyd gyfyngu ar ymweld â gwelyau penodol fesul achos a byddant yn cyfleu hyn yn uniongyrchol i ymwelwyr.

Hoffem ddiolch i ymwelwyr am eu hamynedd a'u cydweithrediad ers i ni gyhoeddi'r cyngor yr wythnos diwethaf gan fod hyn wedi helpu i leihau lefelau heintiau a diogelu cleifion.

Gallwch nawr ymweld â phob ardal - heblaw am Ward S - fel arfer. Ond gohiriwch eich ymweliad os ydych yn teimlo'n sâl neu os oes gennych unrhyw symptomau fel dolur rhydd a chwydu, twymyn neu beswch, neu os ydych wedi bod yn gofalu am rywun sy'n sâl.

Ar yr adeg hon o'r flwyddyn mae'n hawdd iawn i salwch arferol y gaeaf ledaenu i gleifion sy'n agored i niwed a bydd yn cael eu heffeithio'n wael.

Os byddwch yn ymweld, golchwch a glanweithiwch eich dwylo.

Ar gyfer Ward S, caniateir ymweld dim ond os yw at ddiben a dylid cytuno ymlaen llaw gyda rheolwr y ward. Mae hyn yn golygu mai dim ond os yw'n derbyn gofal diwedd oes y gallwch ymweld â chlaf neu os ydych yn ofalwr neu'n berthynas sy'n darparu cymorth ymarferol yn ystod yr ymweliad, fel helpu gyda bwyta ac yfed. Gallwch hefyd ymweld â chleifion sydd â dementia neu anghenion clinigol eraill sy'n golygu bod angen cymorth arnynt.

Norofirws – Mae hwn yn salwch annymunol iawn sy'n achosi dolur rhydd a chwydu, crampiau stumog ac aelodau poenus. Ond gellir trin y symptomau gyda meddyginiaeth dros y cownter o'r fferyllfa a dylai basio o fewn diwrnod neu ddau. Dylech osgoi dod i'r Adran Achosion Brys (A&E) gyda'r salwch hwn gan eich bod mewn perygl o'i ledaenu i gleifion bregus.