Gwasanaeth Dywedwch Wrthym Unwaith

Mae Dywedwch Wrthym Unwaith yn wasanaeth sy’n cael ei redeg gan yr Adran Gwaith a Phensiynau (DWP) ac mae’n wasanaeth sy’n caniatáu ichi riportio marwolaeth i’r rhan fwyaf o sefydliadau’r llywodraeth ar yr un pryd. Mae hyn yn cynnwys y DVLA, y Swyddfa Basbort, holl wasanaethau Awdurdod Lleol, holl wasanaethau DWP, megis Pensiynau’r Wladwriaeth neu Gymhorthdal Incwm, ac unrhyw wasanaethau CThEM (Cyllid a Thollau Ei Mawrhydi).

Ar adeg y cofrestriad, gall y cofrestrydd roi rhif cyfeirnod unigryw i chi a fydd yn cael ei ddefnyddio i hysbysu adrannau amrywiol y llywodraeth ac awdurdodau lleol am y farwolaeth. Bydd mwy o wybodaeth yn cael ei rhoi i chi gan y cofrestrydd yn eich apwyntiad.

Gallwch naill ai ffonio’r gwasanaeth Dweud Wrthym Unwaith neu lenwi ffurflen ar-lein, ond rhaid gwneud hyn o fewn 28 diwrnod i gael eich cyfeirnod unigryw gan y cofrestrydd. I ddefnyddio'r gwasanaeth hwn, bydd angen i chi wrth law:

• Rhif Yswiriant Gwladol yr ymadawedig
• manylion unrhyw fudd-daliadau neu wasanaethau y gallent fod wedi bod yn eu derbyn
• eu trwydded yrru
• eu pasbort