Rwy’n Seicotherapydd Teulu a Systemig sy’n gweithio yn y Gwasanaeth Iechyd Meddwl Plant a’r Glasoed (CAMHS). Rwyf hefyd yn nyrs i bobl ag anableddau dysgu.

Mae therapyddion teulu yn gweithio gyda phlant, pobl ifanc, eu teuluoedd a rhwydweithiau cymorth ehangach i'w helpu pan fyddant yn teimlo'n ofidus a bod eu lles yn cael ei effeithio'n sylweddol.

Rydym yn cynnig lle mwy diogel i deuluoedd gyfarfod ac archwilio gyda’i gilydd pa synnwyr y maent yn ei wneud o’u cryfderau a’u heriau ac ystyried sut y gallent symud ymlaen gyda’i gilydd i gyfeiriad sy’n gweithio i bawb. Gallwn weithio gydag unigolion, cyplau a grwpiau teulu cyfan yn ogystal â thimau proffesiynol.