Beth yw Cymeradwyaeth Ymlaen Llaw (Prior Approval - PA)?

Fel arfer diffinnir cais am gymeradwyaeth ymlaen llaw fel cais i glaf gael triniaeth arferol y tu allan i wasanaethau lleol neu drefniadau cytundebol sefydledig.

Dim ond pan fydd yr holl opsiynau triniaeth sydd ar gael o fewn gwasanaethau a ddarperir yn lleol neu ar gontract wedi'u dihysbyddu a'i bod yn glinigol briodol ystyried cael mynediad at wasanaethau gofal iechyd yn rhywle arall y dylid defnyddio'r llwybr cymeradwyo ymlaen llaw.

Bydd cais o’r fath fel arfer yn dod o fewn un o’r categorïau canlynol:

• Ail farn
• Diffyg darpariaeth gwasanaeth/arbenigedd lleol/wedi'i gomisiynu
• Parhad gofal clinigol (yn cael ei ystyried fesul achos)
• Trosglwyddo yn ôl i'r GIG yn dilyn hunan-ariannu yn y sector preifat
• Ail-atgyfeiriad yn dilyn atgyfeiriad trydyddol blaenorol
• Myfyrwyr
• Cyn-filwyr

Nid yw’r polisi Cymeradwyaeth Ymlaen Llaw yn berthnasol i’r ffactorau canlynol:

• Ni fydd ffactorau anghlinigol (fel statws cyflogaeth) yn cael eu hystyried wrth wneud penderfyniadau ar geisiadau am gymeradwyaeth ymlaen llaw.
• Ni fydd ffactorau amseroedd aros yn cael eu hystyried wrth ystyried cymeradwyaethau ymlaen llaw gan y bydd hyn yn ddamcaniaethol yn blaenoriaethu rhai cleifion dros eraill sydd yn yr un sefyllfa glinigol.
• Dewis y claf. Nid yw’r GIG yng Nghymru yn gweithredu system o ddewis cleifion. Fodd bynnag, mae cleifion trawsffiniol yn gallu dewis eu darparwr gofal eilaidd. Ar ôl cyflwyno ffurflen gais Cymeradwyaeth Ymlaen Llaw wedi'i chwblhau'n llawn, bydd panel annibynnol o weithwyr gofal iechyd proffesiynol ac aelodau lleyg yn cyfarfod i ystyried y cais am Gymeradwyaeth Ymlaen Llaw a'r dystiolaeth glinigol.

Byddwch yn ymwybodol os gwelwch yn dda:

• Nid yw cyllid Cymeradwyaeth Ymlaen Llaw yn talu costau teithio gofal iechyd. Ewch i dudalen Cael Help Gyda Chostau Teithio’r GIG ar wefan Llywodraeth Cymru i weld a oes gennych hawl i help gyda chostau teithio’r GIG.
• Ni fydd ceisiadau am gyllid ôl-weithredol yn cael eu hystyried.
• Cedwir manylion personol y claf yn gyfrinachol bob amser.

Gwybodaeth bellach

Nid yw'r Bwrdd Iechyd yn gyfrifol am gynnwys gwefannau trydydd parti, a allai fod yn Saesneg yn unig

Ewch i'r dudalen hon i weld y Polisi Cymeradwyaeth Ymlaen Llaw.

Ewch i'r dudalen hon i weld y Ffurflen Gais am Gymeradwyaeth Ymlaen Llaw.

Ewch i’r dudalen hon i gael gwybodaeth am Ofal Blaenoriaeth i gyn-filwyr y Lluoedd Arfog.