Mae gennym dîm rhyddhau cynnar penodol ar gyfer strôc, a all helpu'r cleifion hynny sy'n addas i adael yr ysbyty ychydig yn gynt. Maent yn darparu therapi a chefnogaeth ddwys am chwe wythnos.
Dw i'n gwneud y dilyniant strôc chwe mis, ond dw i'n ceisio siarad â goroeswyr dros y ffôn o fewn dau fis ar ôl eu rhyddhau gan fy mod i'n teimlo bod chwe mis yn rhy hir i aros. Mae pob claf strôc yn cael pecyn pan maen nhw'n gadael yr ysbyty gyda fy manylion.
Rydym yn cynnal clinig Bywyd Ar ôl Strôc bob dydd Llun a dydd Mercher gyda naill ai Dr Thomas neu Dr Slade yr ymgynghorwyr strôc. Ond mae fy ngwasanaeth yn para gydol oes a gallant gysylltu â mi ar unrhyw adeg yn eu taith strôc.
Gall blinder ar ôl strôc wneud i drip i'r archfarchnad deimlo fel rhedeg marathon. Rwyf bob amser yn dweud wrth oroeswyr ei bod hi'n ymwneud â gwneud yr hyn y gallwch chi a byw bywyd normal, ond peidio â gorwneud pethau fel eich bod chi'n teimlo'n ddiflas.
Rydw i yma i'w helpu i ddod o hyd i'r cydbwysedd hwnnw.
Mae grwpiau cymorth strôc hefyd, rwy'n eu hargymell i gleifion. Mae siarad ag eraill sydd wedi bod trwy'r un peth neu beth tebyg iawn yn eich helpu i deimlo'n llai unig a byddwch hefyd yn dysgu am y technegau bach y mae eraill wedi'u datblygu i helpu.
Rydym yn croesawu gohebiaeth a galwadau ffôn yn y Gymraeg neu'r Saesneg. Atebir gohebiaeth Gymraeg yn y Gymraeg, ac ni fydd hyn yn arwain at oedi.