Cwblhaodd Siwan y rhaglen hyfforddi wyddonol (STP) ym mis Medi 2023 fel y gwyddonydd clinigol hyfforddai cyntaf yng Nghymru i arbenigo mewn ymbelydredd nad yw'n ïoneiddio, ac ymunodd â thîm Ffiseg MR fel gwyddonydd clinigol cofrestredig HCPC ym mis Hydref 2023. Cyn hyn, cwblhaodd Siwan ei MPhys ym Mhrifysgol Manceinion yn 2019 lle bu'n ymchwilio i ffynhonnau cwantwm InGaN/GaN sinc-gyfun.

Mae ymchwil glinigol yn faes y mae Siwan yn dymuno bod yn ymwneud yn agos ag ef yn ystod ei gyrfa. Canolbwyntiodd ei phrosiect meistr ar ddefnyddio algorithmau ail-greu dysgu dwfn i leihau amser sganio a gwella ansawdd delweddu pwysol trwy drylediad a delweddu cwrtosis trylediad ar gyfer delweddu'r corff cyfan. Mae gweithredu technegau arloesol fel dysgu dwfn yn ddiogel yn rhywbeth y mae Siwan yn angerddol amdano a bydd hi'n parhau â'r gwaith hwn fel rhan o'i rôl fel Ffisegydd MRI.