Cyflwyniad

Mae dietegwyr yn aelodau o'r tîm diabetes oherwydd bod deall sut mae bwyd yn effeithio ar lefelau glwcos yn allweddol i reoli diabetes.

Rydym yn gallu cynghori ar ddewisiadau bwyd addas ac egluro sut mae carbohydrad yn benodol yn effeithio ar lefelau glwcos.

Gallwn hefyd ddarparu gwybodaeth ar sut i wella a helpu i gadw lefelau glwcos yn y gwaed yn sefydlog gyda dognau addas o brydau bwyd a byrbrydau.

Rydym yn cynnig addysg grŵp neu apwyntiadau unigol wyneb yn wyneb, dros y ffôn neu alwad fideo.

Grwpiau addysg strwythuredig

Mae'r cyrsiau hyn ar gael i'r rhai sydd â diabetes Math 1:

• Mae DAFNE, sy'n sefyll am Addasu Dos ar gyfer Bwyta Normal, yn gwrs i'r rhai sydd â diabetes Math 1. Nod y cwrs hwn yw helpu'r rhai sydd â diabetes Math 1 i fyw bywyd mor normal â phosibl, gan gynnal lefelau glwcos yn y gwaed o fewn targedau iach. Gofynnwch i'ch tîm diabetes am atgyfeiriad. Dysgwch fwy ar y dudalen hon ar wefan DAFNE.
• Mae EXTOD, sy'n sefyll am Ymarfer Corff ar gyfer Diabetes Math 1, wedi'i gynllunio i wella gwybodaeth ynghylch sut i reoli ymarfer corff gyda diabetes trwy ddeall sut y gall maeth ac addasu inswlin wella lefelau glwcos a pherfformiad. Dysgwch fwy ar wefan EXTOD.

Mae'r cyrsiau hyn ar gael i'r rhai sydd â diabetes Math 2. Gallwch gyfeirio eich hun drwy gysylltu â 01639 862928:

• Mae DAS, sy'n sefyll am Sesiwn Ymwybyddiaeth o Ddiabetes, yn sesiwn untro.
• XPERT. Pum wythnos o addysg fanylach.
• Diabetes yn ystod Beichiogrwydd. Cynigir addysg unigol neu grŵp.

Mae gwybodaeth am ddeiet ar gyfer pobl ddiabetig Math 1 ar gael gan Diabetes UK.

Mae gwybodaeth am ddeiet ar gyfer pobl ddiabetig Math 2 ar gael gan Diabetes UK.