Pilates Pediatrig
"Yn ystod plentyndod, mae arferion yn cael eu ffurfio'n hawdd - da a drwg. Beth am ganolbwyntio ar ffurfio arferion da yn unig ac felly osgoi'r angen yn nes ymlaen mewn bywyd i geisio cywiro arferion drwg ... Datblygiad priodol y corff a'r meddwl, trwy wyddoniaeth newydd 'Rheolaeth' yw'r hyn y mae'n rhaid ei ddysgu i'r plentyn " - Joseph Pilates
Roedd Joseph Pilates yn credu bod rôl mewn addysgu plant am Pilates. Os bydd plant yn dysgu am symudiadau rheoledig ac ymarferion ac osgo da, dim ond wrth i'w cyrff dyfu, datblygu a newid y bydd hyn o fudd iddynt. Wrth i blant dyfu, mae eu cyrff mewn cyflwr cyson o newid a datblygiad. Yn gywir neu'n anghywir, dyma lle byddant yn ffurfio'r priodoleddau corfforol y byddant yn eu cymryd trwy fywyd. Gall Pilates helpu i sefydlu egwyddorion symud cywir y bydd plant yn eu defnyddio am eu bywydau cyfan. Bydd hefyd yn helpu i greu cyhyredd cytbwys a all helpu i leddfu poen a lleihau'r posibilrwydd o anafiadau nawr ac wrth iddynt barhau i dyfu'n oedolion. Trwy Pilates, gall plant ddod yn ymwybodol o'u corff, a dysgu sut i symud yn effeithlon ac yn osgeiddig.
Efallai mai manteision seicogymdeithasol ac iechyd meddwl plant sy'n gwneud Pilates sy'n cael yr effaith fwyaf cadarnhaol fodd bynnag. Mae’r buddion hyn yn cynnwys:
• Hunan-effeithiolrwydd
• Hunan-gysyniad
• Hunanwerth
• Cymhelliant a chyfeiriadedd nodau
• Yn lleihau pryder a straen
• Gwella cwsg
• Helpu rhyngweithio cymdeithasol a derbyn gan gymheiriaid
Mae'r fideos ymarfer corff Pilates canlynol wedi'u cynhyrchu'n benodol ar gyfer plant a phobl ifanc dan ofal ac arweiniad ffisiotherapydd. Addysgir y sesiynau gan Helena Webb, Ffisiotherapydd Pediatrig Arbenigol o fewn BIPBA a Hyfforddwr Pilates Ardystiedig APPI, gyda chymorth amhrisiadwy tîm Darluniau Meddygol a Chyfieithu Cymraeg BIPBA.
Ewch yma i weld y fideos Pilates ar gyfer plant 5 - 7 oed.