Neges gan ein Cadeirydd, Emma Woollett

Daw’r neges ganlynol gan ein Cadeirydd, Emma Woollett:

Annwyl Gydweithwyr,

Hoffwn roi gwybod i chi y byddaf yn rhoi’r gorau i fod yn Gadeirydd Bwrdd Iechyd Prifysgol Abertawe cyn bo hir.

Ar ôl cyfnod o fyfyrio’n ofalus, gwnes y penderfyniad flwyddyn yn ôl y byddwn yn rhoi’r gorau i’r swydd pan ddaw fy nghyfnod fel Cadeirydd Bwrdd Iechyd Prifysgol Bae Abertawe i ben ddiwedd mis Mawrth 2024. Byddaf wedi bod yn y swydd am bron i saith mlynedd erbyn hynny ac roeddwn i'n teimlo y byddai'r amser yn iawn i rywun newydd ymgymryd â'r rôl.

Fodd bynnag, er y byddaf yn dal i adael yn fuan, mae’r Gweinidog wedi penderfynu fy ailbenodi er mwyn i mi allu aros ymlaen hyd nes y penodir Cadeirydd newydd. Rwyf wedi cytuno i aros yn y swydd ar y sail honno.

Ers i mi benderfynu’n wreiddiol y byddwn yn gadael ar ddiwedd fy nghyfnod yn y swydd, ymddeolodd ein Prif Weithredwr blaenorol a chymerodd Richard Evans yr awenau fel ein Prif Weithredwr Dros Dro. O ganlyniad, mae fy ailbenodiad bellach wedi’i gadarnhau, ochr yn ochr â dechrau’r broses recriwtio ar gyfer y Cadeirydd newydd.

Er bod pellter teithio heb os yn ffactor arwyddocaol yn fy mhenderfyniad gwreiddiol i gamu i lawr, y prif reswm oedd fy nghred y byddai'r amseriad yn iawn. Yn amlwg, mae’r digwyddiadau a amlinellwyd uchod yn golygu y byddaf yn awr yn aros ymlaen am ychydig yn hirach a byddaf yn gallu trosglwyddo’r baton i’r benodir newydd.

Gan weithio gydag ystod eang o sefydliadau partner, rydym wedi cyflawni llawer iawn dros yr ychydig flynyddoedd diwethaf fel Bwrdd Iechyd, ac rwyf wrth fy modd bod gennym bellach weledigaeth glir sy’n adlewyrchu barn yr ystod eang o staff sy’n cyfrannu at Ein Sgwrs Fawr ac wedi llwyddo i roi ein gwaith gyda phartneriaid drwy’r Bwrdd Partneriaeth Rhanbarthol ar sylfaen gadarnach a mwy integredig.

Un o orchwylion cyntaf y Cadeirydd newydd fydd penodi Prif Weithredwr parhaol a fydd yn gweithredu ein gweledigaeth i fod yn sefydliad o safon uchel – rheswm arall pam fod yr amseriad yn iawn i mi roi’r gorau iddi yn fuan.

Gyda’r broses o recriwtio fy olynydd ar waith, rwy’n siŵr y bydd y rôl yn denu maes cryf o ymgeiswyr.

Rwy’n gobeithio y byddwn yn gallu cyhoeddi Cadeirydd newydd BIPBA yn fuan, ond yn y cyfamser, hoffwn ddiolch i bawb rwyf wedi gweithio gyda dros y saith mlynedd diwethaf – yn enwedig ein haelodau bwrdd annibynnol, swyddogion gweithredol, sefydliadau partner, rhanddeiliaid. a'r miloedd o staff gweithgar ac ymroddedig - am eu hymrwymiad llwyr a'u cefnogaeth i'n gwaith. Mae wedi cael ei werthfawrogi'n fawr.

Cofion,

Emma Woollett

Cadeirydd

Bwrdd Iechyd Prifysgol Bae Abertawe