Mae'n hud anifeiliaid wrth i ymweliadau fferm anwesu oleuo'r diwrnod i blant a staff

Roedd asyn bach ymhlith llu o anifeiliaid oedd yn gwneud ymweliad Nadolig arbennig ag Ysbyty Treforys yr wythnos hon.

Ymunodd llu o ymwelwyr pedair coes â'r asyn, gydag alpaca, dwy gafr, a thriawd o gwningod ymhlith creaduriaid mawr a bach eraill yn gwneud y daith fer o Will's Petting Farm o Gŵyr, gan ddod â gwên mawr i wynebau staff a chleifion.

Trefnwyd yr ymweliad rhad ac am ddim gan Reolwr Tîm Chwarae Gwasanaethau Plant Lisa Morgan, a oedd wedi bod yn chwilio am rywbeth gwahanol eleni i helpu gyda dathliadau cyn y Nadolig.

Ac ar ôl cael canmoliaeth fawr gan y rhai a gyfarfu â’r ffrindiau blewog y tu allan i Ganolfan Llosgiadau a Llawfeddygaeth Blastig Cymru’r ysbyty, mae Lisa nawr yn gobeithio y bydd modd ailadrodd y digwyddiad y flwyddyn nesaf.

Meddai: “Roedden ni eisiau gwneud rhywbeth hollol wahanol i’r plant eleni, felly roedd yn garedig a hael iawn i Will’s Petting Farm i roi ymweliad anifail i ni.

“Roedd yn brofiad mor hyfryd i’r plant a phawb a ddaeth draw.

“Roedd gweld y gwenau ar wynebau'r plant oedd yn ddigon iach i fod oddi ar y ward yn amhrisiadwy. Roedd yn wych eu bod yn cael gweld a rhyngweithio ag anifeiliaid na fyddent yn eu gweld bob dydd.

“Roedd cymaint o staff ac ymwelwyr y tu allan ac fe wnaethon nhw i gyd fwynhau’r profiad hefyd. Hoffem ddiolch i Will ac mae eisoes wedi dweud y bydd yn dod yn ôl i ymweld â ni eto, sy’n wych.”

Ategwyd diolchgarwch Lisa gan Elusen Iechyd Bae Abertawe, sy'n rheoli rhoi 'rhoddion mewn nwyddau' i'r bwrdd iechyd, megis yr ymweliad â fferm anwesu.

“Hoffem ddiolch i Will am ddod â’i ffrindiau blewog i Ysbyty Treforys i’r plant a’r staff eu mwynhau,” meddai swyddog corfforaethol Elusen Iechyd Bae Abertawe, Lewis Bradley.

“Roedd ei angerdd i roi gwên ar wynebau unigolion yn hawdd i'w adnabod ac yn rhywbeth rydyn ni fel elusen yn ei werthfawrogi'n fawr.

“Rydyn ni’n gobeithio cryfhau ein partneriaeth gyda busnesau fel Will’s Petting Farm fel ein bod ni hefyd yn rhoi yn ôl i’r gymuned leol yn y dyfodol.”