Mae rhyddhau yn flaenoriaeth wrth i bwysau barhau i effeithio ar Ysbytai Bae Abertawe

Mae galw uchel iawn yn effeithio ar bob ysbyty ym Mae Abertawe. Mae’r gwasanaeth iechyd ar draws Cymru gyfan hefyd yn hynod o brysur.

Rydym yn gwneud popeth o fewn ein gallu, gan gynnwys creu capasiti ychwanegol ar draws ein holl safleoedd yn ogystal â gweithio'n agos gyda'n partneriaid mewn awdurdodau lleol i gynyddu nifer y gollyngiadau i'r eithaf.

Ond mae ein gallu i dderbyn cleifion sy'n ddifrifol wael ac sydd angen gwely yn gyfyngedig iawn o hyd.

Rydym yn gofyn am gefnogaeth y cyhoedd i'n helpu i ryddhau'r cleifion hynny yr aseswyd eu bod yn addas.

Os yw eich perthynas wedi cwblhau ei driniaeth a'i fod wedi cael gwybod y gall gael ei ryddhau, ewch ag ef adref.

Os ydynt yn aros am ragor o gefnogaeth yn y gymuned, a fyddech cystal â mynd â nhw adref a darparu gofal pontio hyd nes y bydd hynny yn ei le os yw hyn yn bosibl.

Byddwch yn helpu'ch anwylyd i wella'n well a lleihau eu risg o haint.

Byddwch hefyd yn helpu'r cleifion niferus sydd angen gwely.

Rydym hefyd yn annog y cyhoedd i beidio â mynd i'r Adran Achosion Brys yn Ysbyty Treforys oni bai bod hynny'n gwbl anochel.

Defnyddiwch y dewisiadau eraill a restrir isod. Fodd bynnag, os oes gennych boenau yn y frest/strôc/salwch difrifol neu anaf difrifol, RHAID i chi ddod i'r Adran Achosion Brys o hyd. (Peidiwch â mynychu'r Uned Mân Anafiadau.)

• Os oes gennych fân anaf, ewch i'r Uned Mân Anafiadau yn Ysbyty Castell-nedd Port Talbot, Ffordd Baglan, Port Talbot, SA12 7BX. Mae ar agor rhwng 8yb a 9yh, saith diwrnod yr wythnos. Gall drin oedolion a phlant dros un oed â mân anafiadau i'r corff fel briwiau, llosgiadau, ysigiadau, straeniau, dadleoliadau ac esgyrn wedi torri. NI ALL ymdrin â salwch, trawiad ar y galon a amheuir, poen yn y frest na strôc.
• Ewch i'ch fferyllfa leol oherwydd bod fferyllwyr yn arbenigwyr mewn meddyginiaethau sydd wedi'u hyfforddi i gynnig cyngor. Gallant argymell meddyginiaeth dros y cownter ar gyfer peswch, annwyd, brech, brathiadau, doluriau a phoenau ac, o dan y Gwasanaeth Anhwylderau Cyffredin, gallant gynnig meddyginiaeth am ddim ar gyfer rhai cyflyrau.

Ewch i wefan GIG 111 Cymru neu ffoniwch 111 am gyngor pan nad yw'n argyfwng.