Lles

Mae iechyd meddwl da yn galluogi plant a phobl ifanc i fyw bywydau hapusach, ei chael yn haws dysgu, mwynhau cyfeillgarwch ac yn y pen draw gyflawni eu potensial.

Mae lles emosiynol plant yr un mor bwysig â'u hiechyd corfforol. Mae iechyd meddwl da yn galluogi plant a phobl ifanc i ddatblygu’r gwytnwch i ymdopi â beth bynnag mae bywyd yn ei daflu atynt a thyfu’n oedolion cyflawn, iach. (Sefydliad Iechyd Meddwl 2016)

Yn aml, gall plentyndod, a’r trawsnewid i fod yn oedolyn, fod yn gyfnod heriol. Gall pobl ifanc heddiw wynebu sefyllfaoedd llawn straen a heriau anghyfarwydd fel; arholiadau, perthnasoedd newydd ac effaith cyfryngau cymdeithasol. Mae llawer o bobl ifanc yn teimlo'n ddryslyd ac yn ansicr sut i fynegi sut maent yn teimlo a ble i gael cymorth.

Gall y rhan fwyaf o bobl brofi hwyliau isel o bryd i'w gilydd. O bryd i'w gilydd, gall y teimladau hyn ddod yn fwy dwys a gallant ddechrau effeithio ar eu bywydau o ddydd i ddydd.

Bydd eich Meddyg Teulu neu Nyrs Ysgol hefyd yn gallu rhoi cyngor pellach i chi ar atgyfeiriadau i wasanaethau arbenigol ac asiantaethau lleol. Os ydych chi'n poeni am iechyd emosiynol neu feddyliol eich plentyn siaradwch â'ch meddyg teulu.

Meddyliau Taclus

Os ydych chi'n berson ifanc sy'n byw yn Abertawe neu Gastell-nedd Port Talbot, mae TidyMinds yma i'ch helpu chi i ddeall y ffordd rydych chi'n teimlo, a dod o hyd i'r cyngor a'r cymorth cywir.

Gwefan yw TidyMinds a ddygwyd atoch ar ran Bwrdd Iechyd Prifysgol Bae Abertawe ac a gynhelir gan CGG Abertawe.

I gael rhagor o wybodaeth a chymorth, dilynwch y ddolen hon i wefan Tidy Minds.

Childline

Llinell gymorth gyfrinachol am ddim yw Childline sydd ar agor 24 awr y dydd, 7 diwrnod yr wythnos.

Gallwch ffonio Childline ar rif rhadffôn - 0800 1111 - lle byddwch yn cysylltu â chynghorydd. Maen nhw yno i wrando a'ch cefnogi gydag unrhyw beth yr hoffech chi siarad amdano.

Neu gallwch gael sgwrs cynghorydd 1-2-1 ar-lein.

Gallwch hefyd anfon e-bost atynt o'ch locer.

I gael rhagor o wybodaeth a chymorth, dilynwch y ddolen hon i wefan Childline. Sylwch fod y ddolen hon yn Saesneg.

Meic

Mae Meic yn wasanaeth llinell gymorth i blant a phobl ifanc hyd at 25 oed yng Nghymru.

O ddarganfod beth sy'n digwydd yn eich ardal leol i helpu i ddelio â sefyllfa anodd, bydd Meic yn gwrando hyd yn oed pan na fydd neb arall yn gwneud hynny. Ni fyddant yn eich barnu a byddant yn helpu drwy roi gwybodaeth, cyngor defnyddiol a'r cymorth sydd ei angen arnoch i wneud newid.

Maen nhw ar agor rhwng 8am a hanner nos, 7 diwrnod yr wythnos.

Gallwch gysylltu â nhw drwy:

Rhadffôn: 0808 80 23456

Neges testun: 84001

Neu sgwrs ar-lein.

Mae Meic yn gyfrinachol a does dim rhaid i chi roi eich enw. Mae'n wasanaeth rhad ac am ddim i bawb.

Mae cymorth ar gael yn Gymraeg a Saesneg.

Am fwy o wybodaeth a chefnogaeth, dilynwch y linc yma i wefan Meic.