Nyrsio Ysgol a Gwasanaethau Plant sy'n Derbyn Gofal

Nod y Gwasanaeth Nyrsio Ysgol yw hybu iechyd y boblogaeth oedran ysgol. Pan fydd plant yn mynd i mewn i'r dosbarth derbyn trosglwyddir gofal eich plentyn o'r Ymwelydd Iechyd i Nyrs yr Ysgol.

Mae gan bob ysgol Nyrs Ysgol benodol. Nod y Nyrs Ysgol yw hysbysu, addysgu a chefnogi plant a phobl ifanc i wneud dewisiadau ffordd iach o fyw i'w galluogi i ddod yn oedolion iach. Darperir y Gwasanaeth Nyrsio Ysgol gan dîm o Nyrsys Ysgol a gweithwyr iechyd proffesiynol eraill.

Mae’r Gwasanaeth Nyrsio Ysgol yn nyrsys neu’n fydwragedd cofrestredig sy’n frwd dros hybu ffyrdd iach o fyw ac atal salwch ac sydd wedi mynd ymlaen i ennill cymwysterau a hyfforddiant pellach i ddod yn Nyrs Iechyd Cyhoeddus Cymunedol Arbenigol (SCPHN SN).

Gall Nyrsys Ysgol hefyd ddarparu cyngor dros y ffôn a gweithio mewn partneriaeth ag asiantaethau eraill i roi'r gofal mwyaf priodol i chi.

Rhai o’r pynciau y gallech fod am eu trafod gyda’ch Nyrs Ysgol yw statws imiwneiddio, ffyrdd iach o fyw, rhoi’r gorau i ysmygu, tyfu i fyny a glasoed, llau pen, gordewdra a hefyd unrhyw bryderon ynghylch eich plentyn yn dechrau yn yr ysgol.

Darperir y Gwasanaeth Nyrsio Ysgol yn unol â Fframwaith Llywodraeth Cymru ar gyfer Nyrsio mewn Ysgolion yng Nghymru. Dilynwch y ddolen hon i ddarllen Fframwaith Llywodraeth Cymru ar gyfer Nyrsio mewn Ysgolion yng Nghymru, ar wefan Llywodraeth Cymru.

Model gweithredu Nyrsio Ysgol

Pwrpas y model gweithredu yw darparu rhaglen genedlaethol strwythuredig a theg o gysylltiadau craidd cyffredinol ar gyfer pob plentyn a pherson ifanc. Bydd hyn yn sicrhau y gall plant a phobl ifanc dderbyn manteision cyffredinol rhaglen iechyd cyhoeddus, gan flaenoriaethu atal a sicrhau bod plant a phobl ifanc yn cael eu cefnogi gan GIG Cymru gyda'u hiechyd a'u lles yn unol â'r angen trwy gydol eu hoedran ysgol, er mwyn gwella canlyniadau.

Dilynwch y ddolen hon i ddarllen y model gweithredu nyrsio ysgolion, ar wefan Llywodraeth Cymru.

I gysylltu â'ch Nyrs Ysgol, ffoniwch y Gwasanaeth Nyrsio Ysgolion ar 01639 862801, neu gallwch anfon e-bost at SBU.SchoolNursing@wales.nhs.uk .

Parentline

Mae Parentline yn wasanaeth sy'n caniatáu i rieni a gofalwyr plant 5 i 16 oed gysylltu â gwasanaeth nyrsio'r ysgol am gyngor a chymorth cyfrinachol drwy neges destun. 

Mae ar gael i bob rhiant a gofalwr sydd â phlant 5 i 16 oed, gan gynnwys y rhai sy'n cael eu haddysgu gartref. 

I gysylltu â nyrs ysgol, anfonwch neges destun at 07451 289820. Bydd negeseuon testun yn cael eu monitro rhwng 8.30yb a 4yp o ddydd Llun i ddydd Gwener (ac eithrio gwyliau banc) ac mae tîm Nyrsio Ysgol Bwrdd Iechyd Prifysgol Bae Abertawe yn anelu at ymateb o fewn un diwrnod gwaith. 

Gall nyrs ysgol gynnig cymorth ar gyfer ystod eang o bynciau, gan gynnwys: 

• Lles emosiynol 
• Brechiadau 
• Mynd i'r toiled 
• Cwsg 
• Bwyta'n iach 
• Ymddygiad 
• Perthnasoedd 
• a mwy 

Gall y tîm hefyd drefnu i chi siarad â Nyrs Ysgol Arbenigol eich plentyn os yw'n well ganddo. 

Ni fydd negeseuon testun yn cael eu gweld y tu allan i oriau gwaith arferol. Os oes angen help arnoch cyn i chi glywed yn ôl gan y tîm, cysylltwch â'ch meddyg teulu neu ffoniwch 111. 

Mae Parentline yn cefnogi negeseuon testun o rifau symudol yn y DU ac nid yw'n derbyn galwadau llais na negeseuon llun MMS. Codir tâl ar negeseuon testun ar eich cyfraddau arferol. 

Efallai y byddwn yn hysbysu rhywun pe byddem yn pryderu am eich diogelwch ond fel arfer byddem yn siarad â chi yn gyntaf. Mae eich negeseuon yn cael eu storio a gallant gael eu gweld gan staff gofal iechyd eraill sy'n dilyn yr un rheolau cyfrinachedd. Ein nod yw ymateb i chi o fewn un diwrnod gwaith a dylech gael neges yn ôl ar unwaith i gadarnhau ein bod wedi derbyn eich testun. Dim ond rhwng (9yb a 4yp) y gwelir testun. Nid yw ein rhif testun yn derbyn galwadau llais na negeseuon llun MMS. 

Dim ond o rifau symudol yn y DU yr ydym yn cefnogi negeseuon (nad yw'n cynnwys negeseuon a anfonir o linellau tir, rhifau symudol rhyngwladol a rhai apiau symudol 'masgio rhifau'). I atal y gweithiwr gofal iechyd proffesiynol rhag anfon negeseuon atoch, tecstiwch STOP i'n rhif. Codir tâl ar negeseuon ar eich cyfraddau arferol.