Mae GIG Cymru yn gwadu unrhyw warantau penodol neu ymhlyg, y gellir eu hallgontractio mewn perthynas â Gwasanaeth Ymgynghori Fideo GIG Cymru, gan gynnwys unrhyw warantau cywirdeb, masnachadwyedd, addasrwydd at ddiben penodol, neu beidio â thorri'r gyfraith. Rydym yn gwadu ymhellach unrhyw warantau ynghylch diogelwch, dibynadwyedd, prydlondeb, argaeledd a pherfformiad Gwasanaeth Ymgynghori Fideo GIG Cymru.
Heb gyfyngiad i adran 5.1, nid ydym yn gwarantu mewn perthynas â pherchnogaeth, parhad, addasrwydd na ffitrwydd i ddefnyddio eiddo deallusol trydydd parti a ddefnyddir yng Ngwasanaeth Ymgynghori Fideo GIG Cymru.
Nid ydym yn gwarantu y bydd gennych fynediad parhaus a di-dor i Wasanaeth Ymgynghori Fideo GIG Cymru nac y bydd Gwasanaeth Ymgynghori Fideo GIG Cymru yn cydymffurfio ag unrhyw lefelau gwasanaeth neu fanylebau perfformiad penodol.
Nid ydym yn gwarantu bod Gwasanaeth Ymgynghori Fideo GIG Cymru yn rhydd o unrhyw fath o god dirgel niweidiol, feirws neu halogyddion eraill. Nid ydym yn derbyn unrhyw atebolrwydd am unrhyw ymyrraeth â'ch systemau cyfrifiadurol, isadeiledd, meddalwedd neu ddata sy'n digwydd mewn cysylltiad â Gwasanaeth Ymgynghori Fideo GIG Cymru, neu ddifrod iddo.
Efallai y bydd Gwasanaeth Ymgynghori Fideo GIG Cymru yn cynnwys dolenni i wefannau eraill. Rydych yn cydnabod ac yn cytuno nad oes gennym unrhyw gyfrifoldeb am gynnwys nac argaeledd y gwefannau cysylltiedig, ac nid ydym yn cymeradwyo'n benodol unrhyw sefydliad, cymdeithas neu endid y cyfeirir ato neu sy'n gysylltiedig â Gwasanaeth Ymgynghori Fideo GIG Cymru.
Rydych yn cydnabod bod eich defnydd o Wasanaeth Ymgynghori Fideo GIG Cymru yn hollol yn ôl eich disgresiwn a'ch risg eich hun, ac i'r graddau a ganiateir gan y gyfraith. Rydym yn gwahardd yn benodol yr holl atebolrwydd am unrhyw golled, difrod, treuliau a chostau a ysgwyddwyd gennych wrth gyrchu a defnyddio Gwasanaeth Ymgynghori Fideo GIG Cymru, gan gynnwys, ond heb fod yn gyfyngedig i'r canlynol:
defnyddio at ddiben nad yw wedi'i fwriadu ar ei gyfer;
yr anallu i gael mynediad cyson, dibynadwy a di-dor i Wasanaeth Ymgynghori Fideo GIG Cymru;
difrod neu ymyrraeth ag unrhyw ddarn o galedwedd, meddalwedd, offer neu ddyfais sydd wedi'i osod neu ei ddefnyddio mewn cysylltiad â'ch defnydd a'ch mynediad i Wasanaeth Ymgynghori Fideo GIG Cymru, neu'ch data rhyngrwyd sy'n codi mewn cysylltiad â'ch defnydd o Wasanaeth Ymgynghori Fideo GIG Cymru, ei gynnwys neu unrhyw wefan gysylltiedig.
Rydym yn croesawu gohebiaeth a galwadau ffôn yn y Gymraeg neu'r Saesneg. Atebir gohebiaeth Gymraeg yn y Gymraeg, ac ni fydd hyn yn arwain at oedi.