Ydy pawb yn dod yn ôl i normal ar ôl CPR?

Yn anffodus, nid yw'r rhan fwyaf o bobl yn goroesi ar ôl ataliad ar y galon. Mae'r rhai sydd â phroblemau meddygol cymhleth yn llawer llai tebygol o wella'n llwyr. Mae’n bwysig eich bod yn gwybod bod:

Cleifion yn aml yn ddifrifol wael ar ôl CPR llwyddiannus ac efallai y bydd angen mwy o driniaeth arnynt mewn uned gofal coronaidd neu ofal dwys
Nid yw’r rhan fwyaf o gleifion yn dychwelyd i’r un iechyd corfforol neu feddyliol ag oedd ganddynt cyn iddynt gael CPR. Efallai y bydd angen llawer o adsefydlu ar rai.
Yn anffodus, mae rhai cleifion yn mynd i goma ac efallai na fyddant yn gwella ohono neu efallai'n dioddef o niwed i'r ymennydd.

Dyma pam mae ffurflenni DNACPR (Peidiwch â Cheisio CPR) yn cael eu hysgrifennu. Mae'n golygu nad ydych chi'n cael triniaeth sy'n annhebygol o weithio, neu a allai ymestyn neu achosi mwy o ddioddefaint ar ddiwedd eich oes.

Efallai y byddwch hefyd yn clywed termau eraill sy'n golygu'r un peth

DNR – Peidiwch â Dadebru
DNAR – Peidiwch â Cheisio Dadebru