Beth os wyf am roi cynnig ar CPR, ond bod fy nghlinigydd yn dweud na fydd yn gweithio?

Pan fyddwch yn trafod CPR efallai y bydd eich clinigwr yn dweud na fyddai CPR yn gweithio i chi. Mae’n bwysig bod eich tîm clinigol yn deall eich barn a’ch bod yn deall pam fod eich tîm clinigol yn teimlo na fydd CPR yn ddefnyddiol.

• Ni fydd unrhyw glinigwr yn gwrthod eich dymuniad am CPR os oes siawns deg y gall fod yn effeithiol.
• Os yw eich tîm gofal iechyd yn teimlo na fydd CPR yn gweithio i chi, gallwch ofyn iddynt drefnu ail farn feddygol os hoffech un.
• Os credir bod CPR yn debygol o’ch gadael yn ddifrifol wael neu’n anabl, mae eich barn ynghylch a yw’n werth cymryd y cyfleoedd hyn yn bwysig iawn. Rhaid i'ch tîm gofal iechyd wrando ar eich barn ac ar unrhyw un yr hoffech ei gynnwys yn y drafodaeth.
• Dylech chi a’r rhai sydd agosaf atoch fod yn ymwybodol nad oes hawl gyfreithiol i fynnu unrhyw driniaeth sy’n annhebygol o’ch helpu ac a allai achosi niwed sylweddol i chi.