A yw CPR yn cael ei roi ar bawb y mae eu calon a'u hanadl yn stopio?

Os ydych chi'n ddifrifol wael ac yn agos at ddiwedd eich oes, efallai na fydd unrhyw fudd i chi geisio'ch dadebru gan y bydd y galon a'r anadlu'n dod i ben fel rhan naturiol o farw.

Yn yr achosion hyn, mae'n bwysicach eich cadw'n ddi-boen, yn gyfforddus ac yn cael cefnogaeth. Gall CPR gynnig gobaith ffug a gwneud mwy o ddrwg nag o les trwy beidio â chaniatáu i chi farw marwolaeth naturiol.

• Os bydd eich calon a'ch anadlu'n stopio'n annisgwyl, er enghraifft os oes gennych anaf difrifol neu drawiad ar y galon, oni bai eich bod chi a'ch tîm gofal iechyd eisoes wedi rhoi gorchymyn DNACPR ar waith, bydd y tîm gofal iechyd yn rhoi cynnig ar CPR os ydynt yn meddwl bod siawns o wella.
• Os daw eich anadlu a'ch calon i ben cyn i benderfyniad gael ei wneud ar CPR, bydd y gweithwyr gofal iechyd proffesiynol sy'n gofalu amdanoch yn penderfynu a ddylid rhoi cynnig ar CPR. Byddant yn ystyried eich iechyd cyffredinol, pethau yr ydych eisoes wedi’u trafod â nhw, barn y rhai sydd agosaf atoch, a hefyd pa mor debygol yw hi y bydd CPR yn llwyddo.