Tair gwobr i'r Adran Argyfwng

Mae Adran Achosion Brys Ysbyty Treforys wedi ennill gwobr am helpu i hyfforddi'r genhedlaeth nesaf o nyrsys sy'n gweithio ar y rheng flaen.

Mae Bae Abertawe, mewn partneriaeth â Phrifysgol Abertawe, yn dal gwobrau Goruchwyliwr Practis, Aseswr Practis a Thîm yn flynyddol.

Mae'r gwobrau'n cydnabod y cyfraniad y mae cydweithwyr yn ymarferol yn ei ddarparu i fyfyrwyr nyrsio a bydwragedd dan hyfforddiant i sicrhau eu bod yn datblygu ac yn dysgu eu sgiliau clinigol.

Tynnwyd y llun uchod ar adeg pan nad oedd angen gorchuddion wyneb: O'r chwith i'r dde Ryan Lane (uwch-nyrs), Gabby Wilcox (chwaer/PDN), Nicola Bromham (PDN), Vania Silva (nyrs staff), Nicola Chivers (nyrs staff)

Enillodd yr adran gyfan y wobr Amgylchedd Dysgu Arloesol Eithriadol, gyda'i Huned Argyfwng Plant (CEU - Children’s Emergency Unit) yn ennill y wobr Hwylusydd Addysg Ymarfer.

Mewn newyddion da pellach, enillodd yr uwch nyrs Nicola Dunn wobr Asesydd Ymarfer y Flwyddyn - Cangen Plentyn.

Dywedodd Sue Jones, Hwylusydd Addysg Practis Arweiniol o fewn tîm Hwylusydd Addysg Ymarfer (PEF - Practice Education Facilitator) y bwrdd iechyd: “Mae’r gwobrau’n bwysig ac yn cydnabod y cymhlethdodau y mae rhai goruchwylwyr practis, aseswyr practis a thimau yn eu hwynebu wrth gefnogi myfyrwyr nyrsio.

“Maen nhw hefyd yn dathlu llwyddiannau’r rhai sy’n helpu i hyfforddi’r genhedlaeth nesaf.

“Mae cydweithwyr yn yr Adran Achosion Brys yn sicrhau eu bod yn meithrin y myfyrwyr nyrsio, yn ymgysylltu â nhw ac yn datblygu eu gwybodaeth a’u sgiliau.”

Mae buddugoliaeth driphlyg yr ED yn gyntaf yn y saith mlynedd ers cynnal y gwobrau.

Dywedodd Sue: “Nhw yw’r adran gyntaf erioed i ennill tair gwobr mewn un ergyd.

“Roedden nhw wrth eu bodd. Mae pob adran o fewn y bwrdd iechyd yn brysur, ond mae ED yn anhygoel.

“Maen nhw wedi ei gael yn iawn. Mae ganddyn nhw’r unigolion sydd fel tîm yn cydnabod pwysigrwydd diogelu’r proffesiwn nyrsio ac sy’n gallu cynnig y gefnogaeth gywir i fyfyrwyr sydd efallai angen addasiadau rhesymol i sicrhau lleoliad llwyddiannus.”

Dywedodd Ryan Lane, prif nyrs yn yr Adran Achosion Brys: “Mae'r adran wedi gweithio'n eithriadol o galed dros y ddwy flynedd ddiwethaf dan bwysau na welwyd mo'i debyg o'r blaen ond mae wedi sicrhau o hyd eu bod wedi cadw gofynion dysgu'r myfyrwyr nyrsio ar flaen y gad ym mhopeth a wnawn.

“Mae gennym ni berthynas agos iawn gyda Phrifysgol Abertawe a PEF yn Ysbyty Treforys. Rydym i gyd wrth ein bodd yn yr adran ein bod wedi ennill y gwobrau hyn, mae ein holl waith caled wedi talu ar ei ganfed.”

Dywedodd un enwebiad: “Mae'r tîm addysg wedi sefydlu amgylchedd dysgu unigryw o fewn adran hynod o brysur. Fel myfyriwr rydw i wedi cael cyfleoedd anhygoel i ddysgu a thyfu, datblygu hyder a chyrraedd fy nodau.”

Dywedodd un arall: “Rhoddodd yr Adran Achosion Brys yr hyder, y cymhelliant a’r wybodaeth i mi weithio ochr yn ochr â’r tîm yn yr uned brysur, anhrefnus.”

Dywedodd enwebiad ar gyfer yr CEU: “Dros y flwyddyn ddiwethaf mae’r Uned Argyfwng Plant wedi bod yn lleoliad ysbrydoledig i lawer o fyfyrwyr.

“Mae'r adran wedi mynd y tu hwnt i'w nifer o fyfyrwyr nyrsio yn rheolaidd er mwyn sicrhau bod pob myfyriwr yn cael lleoliad clinigol. Mae’r aseswyr ymarfer, y goruchwylwyr ymarfer ac aelodau eraill o’r uned yn rhoi cymorth eithriadol i bawb sydd wedi’u lleoli yno.”

Cafodd Nicola Dunn ei chanmol mewn enwebiad arall, a ddywedodd: “Mae hi bob amser yn cymryd yr amser i egluro a dysgu pethau ac mae bob amser yn dweud nad yw unrhyw gwestiwn yn gwestiwn gwirion. Mae hi’n bleser gweithio gyda hi ac mae mor garedig ac ystyriol.”