Llawfeddygon llaw yn cymeradwyo lleoliad Abertawe

Mae cynrychiolwyr yng nghynhadledd ddiweddaraf Cymdeithas Brydeinig Llawfeddygaeth y Llaw wedi canmol Abertawe fel y ddinas groesawu.

Ymgasglodd llawfeddygon llaw o bedwar ban y byd yn Arena Abertawe ar gyfer cynhadledd chwe-misol ddiweddaraf y gymdeithas gan fod eu llywydd yn hanu o'r ddinas.

Cafodd Cyfarwyddwr Clinigol Llawfeddygaeth Blastig Bae Abertawe, Dean Boyce, ei ethol gan ei gyfoedion ym mis Ionawr a bydd yn gwasanaethu am 12 mis yn y swydd.

Hyfforddodd Mr Boyce, a addysgwyd yn Ysgol Gyfun Penyrheol, yng Nghymru, Lerpwl, Birmingham, Manceinion, a Sydney cyn dychwelyd adref fel llawfeddyg plastig ymgynghorol yn 2003.

Dywedodd: “Pleser o’r mwyaf oedd croesawu Cymdeithas Brydeinig Llawfeddygaeth y Llaw ac arbenigwyr o bob rhan o’r byd – Tsieina, Awstralia, yr Iseldiroedd a Ffrainc.

“Mae gan Abertawe hanes hir a hynod ddiddorol yn dyddio o’r nawfed ganrif, ac roedd yn bleser pur arddangos fy nhref enedigol. Rwy'n arbennig o falch o groesawu Jin Bo, gan fod Nantong yn ddinas gefell i Abertawe.

“Mae'r arena yn lleoliad gwych ac yn ychwanegiad gwych i'r ddinas ac rwy'n falch iawn fy mod wedi gallu dod â'r gynhadledd hon yma.

“Mae pawb wedi gwneud sylw am leoliad gwych sydd gennym ni yn Abertawe.

“Y tu allan i’r areithiau, y darlithoedd a’r arddangosiadau bu’n fraint wirioneddol arddangos ein golygfeydd naturiol eithriadol fel Gŵyr, rhywbeth y gwnaethant ei fwynhau’n fawr.”

Dywedodd yr Athro Steven Hovius, o'r Iseldiroedd: “Mae yna gyfadran ryfeddol wedi ymgasglu yma yn Abertawe ac rydyn ni'n falch iawn o fod yma.

“Mae hwn yn lleoliad hyfryd ac rydym wedi cael cynhadledd anhygoel.”

Yn y llun uchod o'r chwith i'r dde: Yr Athro Steven Hovius  (Yr Iseldiroedd), Mr Dean Boyce, yr Athro Jin Bo Tang (Tsieina) a'r Athro Michael Tonkin (Awstralia).