Llais - eich llais mewn iechyd a gofal cymdeithasol
Os oes angen i chi godi pryder am wasanaeth GIG neu ofal cymdeithasol, gallwch siarad â Llais. Bydd eu staff eiriolaeth cwynion hyfforddedig ac ymroddedig yn rhoi'r gefnogaeth annibynnol, gyfrinachol a rhad ac am ddim y mae gennych hawl iddi.
Byddan nhw'n eich helpu i godi eich pryder a:
- Eich cefnogi i wneud cwyn am wasanaeth, gofal neu driniaeth a ddarperir neu a delir amdano gan y GIG neu awdurdod lleol.
- Eich cefnogi i wneud cwyn ar ran rhywun arall, gan gynnwys os yw rhywun wedi marw.
- Gwrando ar eich pryderon.
- Eich rhoi mewn cysylltiad â sefydliadau eraill os ydym yn credu y gall rhywun arall helpu hefyd.
- Ateb cwestiynau am y broses ac esbonio eich opsiynau.
- Darparu canllaw cam wrth gam i'r broses a chynigiwch rai awgrymiadau.
Cysylltwch â'ch tîm Llais lleol ar 01639 683490 neu anfonwch e-bost atynt i ymholiadau.cnptacabertawe@llaiscymru.org a bydd un o'r tîm yn siarad â chi am eich pryder, pa fath o gymorth rydych chi'n meddwl sydd ei angen arnoch chi ac os oes gennych chi unrhyw anghenion penodol fel deunyddiau print bras neu fynediad at rywun sy'n gallu llofnodi.
Noder nad ydyn nhw'n darparu gwasanaethau eiriolaeth yn uniongyrchol i blant a phobl ifanc ynghylch gwasanaethau gofal cymdeithasol (gwasanaethau plant). Ond gallant helpu plant a phobl ifanc gyda'u pryderon ynghylch gofal y GIG.
Rydym yn croesawu gohebiaeth a galwadau ffôn yn y Gymraeg neu'r Saesneg. Atebir gohebiaeth Gymraeg yn y Gymraeg, ac ni fydd hyn yn arwain at oedi.