Beth yw Cais Cyllido Cleifion Unigol (Individual Patient Funding Requests - IPFR)?

Mewn rhai amgylchiadau gall meddyg wneud cais i’r GIG i ariannu triniaeth ar eich cyfer, nad yw’n cael ei darparu fel arfer gan fwrdd iechyd.

Rhaid iddynt allu dangos y bydd yn darparu budd clinigol.

Byddant yn trafod hyn gyda chi cyn gwneud cais ar eich rhan.

Pryd y gellir gwneud IPFR?

• Mae eich meddyg yn credu bod eich amgylchiadau clinigol yn amlwg yn wahanol i gleifion eraill sydd â'r un cyflwr.
• Mae yna reswm clinigol pam y byddai eich cyflwr yn ymateb yn wahanol i gleifion eraill, sy'n golygu y byddech chi'n cael mwy o fudd clinigol o'r driniaeth honno.

Gellir cyflwyno’r IPFR i’r bwrdd iechyd neu i Pwyllgor Gwasanaethau Iechyd Arbenigol Cymru (PGIAC). Gellir gwneud ceisiadau hefyd am feddyginiaethau trwyddedig nad ydynt yn cael eu hargymell ar ôl asesiad technoleg iechyd (Health Technology Assessment - HTA).

Ewch i wefan Pwyllgor Gwasanaethau Iechyd Arbenigol Cymru i ddarganfod mwy am wasanaethau arbenigol.

Cyflwyno IPFR

Dim ond meddyg y GIG all wneud cais.

Ein dull dewisol o gyflwyno ceisiadau am gyllid yw trwy Gyflwyniad Electronig IPFR.

Sylwch: Mae'r ddolen isod ar gael yn Saesneg yn unig. Nid yw'r Bwrdd Iechyd yn gyfrifol am wefannau trydydd parti. Ymddiheurwn os yw hyn yn achosi unrhyw anghyfleustra.

Ewch i Gronfa Ddata IPFR Cymru Gyfan i gyflwyno cais am gyllid. Rhaid i glinigwyr wneud ceisiadau.

Ar gyfer meddygon: Sylwch y bydd angen i chi gael eich cysylltu trwy borth y GIG a bydd angen i chi gofrestru i gael mynediad.

Sylwch nad yw'r Polisi IPFR yn cynnwys costau teithio gofal iechyd.

Costau teithio

Mae gwybodaeth am gymhwysedd cleifion ar gyfer costau teithio gofal iechyd i dderbyn triniaeth GIG o dan ofal ymgynghorydd, ar gael ar wefan Llywodraeth Cymru.

Ewch i dudalen Cael Help Gyda Chostau Teithio’r GIG ar wefan Llywodraeth Cymru i weld a oes gennych hawl i help gyda chostau teithio’r GIG.

Sut bydd y penderfyniad yn cael ei wneud?

Bydd yr IPFR yn cael ei ystyried gan banel annibynnol sy'n cynnwys meddygon, nyrsys, arbenigwyr iechyd y cyhoedd, fferyllwyr ac aelodau lleyg. Bydd eich manylion personol yn cael eu cadw’n gyfrinachol.

Mae gan aelodau'r panel y sgiliau a'r wybodaeth i ystyried y wybodaeth a ddarperir gan eich clinigwr a rhaid iddynt sicrhau bod y penderfyniadau a wneir yn deg, yn gyson ac yn gyfiawn ac yn unol ag egwyddorion y polisi IPFR.

Wrth ystyried ceisiadau bydd y panel ond yn ystyried y dystiolaeth glinigol a ddarparwyd. Ni fyddant yn ystyried unrhyw amgylchiadau anghlinigol. Er enghraifft, ni ellir ystyried ffactorau fel eich gallu i weithio neu astudio, gofalu am ddibynyddion, neu gwrdd ag ymrwymiadau ariannol fel rhan o'r broses IPFR.

Pan fydd y panel wedi gwneud penderfyniad ar eich cais anfonir llythyr at y clinigwr i roi gwybod iddynt am ganlyniad y cais am gyllid.

Byddwch yn derbyn llythyr yn eich hysbysu bod penderfyniad wedi’i wneud. Fodd bynnag, ni fyddwch yn cael gwybod am y penderfyniad oherwydd, yn dilyn adborth gan gleifion a chlinigwyr, y teimlad oedd ei bod yn well trafod y materion hyn yn uniongyrchol rhwng cleifion a'u clinigwyr.

Bydd eich clinigwr yn cysylltu â chi i drafod y penderfyniad a’r camau nesaf yn eich gofal.

Beth fydd yn digwydd os bydd y panel yn gwrthod y cais?

Os bydd eich cais yn aflwyddiannus, bydd eich clinigwr yn trafod y rhesymau dros y penderfyniad â chi a pha opsiynau triniaeth eraill a allai fod ar gael i chi.

Os ydych chi a'ch clinigwr o'r farn nad yw'r broses IPFR wedi'i dilyn yn gywir, gall eich clinigwr ofyn am adolygiad o'r broses a ddilynwyd ar eich rhan.

Bydd angen i'ch clinigwr lenwi ffurflen gais am adolygiad, gan amlinellu'r rhesymau dros wneud cais am adolygiad yn unol â'r polisi IPFR. Rhaid gwneud hyn o fewn 25 diwrnod gwaith i ddyddiad y llythyr penderfyniad.

Os derbynnir cais am adolygiad, bydd panel adolygu yn edrych ar yr achos. Ni all y panel adolygu newid canlyniad y penderfyniad, ond os nad ydynt yn meddwl bod y panel wedi dilyn y broses yn gywir, gallant ofyn i'r panel IPFR adolygu eich cais eto.

Ni fydd y panel adolygu yn ystyried unrhyw wybodaeth newydd. Os bydd gwybodaeth newydd yn dod yn wir, caiff ei hadolygu gan y panel IPFR.

Cwynion

Os byddwch yn parhau’n anhapus ar ôl penderfyniad eich adolygiad, mae gennych hawl i gyfeirio’r mater at Ombwdsmon Gwasanaethau Cyhoeddus Cymru.

Ewch i wefan Ombwdsmon Gwasanaethau Cyhoeddus Cymru i gael gwybodaeth am wneud cwyn os ydych yn anhapus â’r penderfyniad.

Mwy o wybodaeth

Ewch i'r dudalen hon i ddarllen y polisi IPFR llawn.

Nid yw'r Bwrdd Iechyd yn gyfrifol am gynnwys gwefannau trydydd parti, a allai fod yn Saesneg yn unig

Ewch i'r dudalen hon am help i lenwi'r ffurflen IPFR.

Ewch i'r dudalen hon am y ffurflen gais IPFR. Sylwch, dim ond meddyg all gwblhau a chyflwyno hwn. Gallwch hefyd ddefnyddio Cronfa Ddata IPFR i gyflwyno cais.

Ewch i'r dudalen hon ar wefan Canolfan Therapiwteg a Thocsicoleg Cymru Gyfan i gael rhagor o wybodaeth am y broses IPFR.