Fferyllwyr - eich arbenigwyr meddygaeth

Mae yna lawer o rolau fferyllydd a gall pob fferyllydd chwarae rhan bwysig ym mhob cam o'ch taith.

Fferyllfeydd ar y stryd fawr, archfarchnadoedd, wrth ymyl meddygfeydd teulu.

Rhoi eich presgripsiynau a chynnig cyngor ar feddyginiaethau rydych chi'n eu prynu dros y cownter
Darparu gwasanaethau o dan y Cynllun Anhwylderau Cyffredin – mae'r gwasanaeth hwn yn darparu cyngor a thriniaeth GIG am ddim i gleifion ar gyfer amrywiaeth o anhwylderau bach
Darparu gwasanaethau ychwanegol fel brechiadau ffliw, gwiriadau pwysedd gwaed, a chymorth i roi'r gorau i ysmygu
Gall rhai fferyllwyr cymunedol ragnodi ar gyfer ystod estynedig o gyflyrau cyffredin
Gallant eich cyfeirio at wasanaethau gofal iechyd eraill os oes angen

Meddygfeydd teulu, wardiau rhithwir, cartrefi gofal

Eich helpu i ddeall a rheoli eich meddyginiaethau, er enghraifft os oes gennych gyflwr hirdymor fel pwysedd gwaed uchel, diabetes, asthma, COPD, methiant y galon, clefyd cronig yr arennau, i enwi dim ond rhai
Adolygu eich meddyginiaethau i wneud yn siŵr eu bod yn ddiogel, yn effeithiol, ac yn dal i fod eu hangen
Gweithio yn agos gyda'ch meddyg teulu i gefnogi eich gofal ac adolygu eich meddyginiaethau
Mae'r mwyafrif wedi'u hyfforddi i ragnodi meddyginiaethau'n uniongyrchol, yn union fel meddyg neu nyrs sy'n rhagnodi

Ysbytai ac unedau arbenigol y GIG.

Gwneud yn siŵr eich bod chi'n cael y meddyginiaethau cywir pan fyddwch chi yn yr ysbyty neu mewn clinig yn yr ysbyty
Gweithio gyda meddygon a nyrsys i gynllunio triniaethau diogel ac effeithiol
Helpu i baratoi chi ar gyfer mynd adref, er enghraifft drwy esbonio unrhyw newidiadau i'ch meddyginiaethau
Gall arbenigo mewn meysydd fel gofal cardiaidd, gofal canser, methiant arennol, iechyd plant, neu ofal dwys i enwi dim ond rhai