Ymwelwyr blewog yn rhoi gwên ar wynebau preswylwyr Ysbyty Tonna

Mae ymwelwyr annisgwyl wedi rhoi gwên ar wynebau cleifion yn Ysbyty Tonna.

Ymwelodd Eric yr alpaca ac Oreo y merlen Shetland i godi ysbryd y preswylwyr yn y cyfleuster iechyd meddwl henoed.

A bu'r ddeuawd dof hefyd yn boblogaidd gyda pherthnasau'n dod i ymweld - plant yn arbennig.

Dywedodd clerc y ward, Sian Herbert: “Roeddwn i’n meddwl y byddai’n dipyn o hwyl ac yn rhywbeth gwahanol i’r cleifion.

“Nid yw rhai ohonyn nhw erioed wedi gweld alpaca o’r blaen.

“Maen nhw'n cael mwynhad ohono ac mae'n dda i'w hiechyd meddwl. Gallwch weld ar y gwen ar eu hwynebau pa mor hapus ydyn nhw i gwrdd â’r anifeiliaid.”

Ymwelodd y ddau anifail trwy garedigrwydd ‘Bedrock Alpaca Visits’, a leolir ym Merthyr Tudful.

Mae'r perchennog Steve Jones yn mynd â'r pâr yn rheolaidd i lu o leoliadau, yn ogystal ag i bartïon pen-blwydd a phriodasau.

Dywedodd: “Maen nhw'n anifeiliaid therapiwtig. Mae pobl yn cael cymaint allan o'u gweld.

“Mae Eric wedi bod i bron i 100 o gartrefi gofal dros y flwyddyn ddiwethaf yn unig.

“Mae pobl â dementia yn eu gweld ac yn cyffroi. Yn aml, dydyn nhw erioed wedi gweld un o'r blaen, ac mae'n codi calon nhw heb ddiwedd.

“Es i ag Eric i weld preswylydd mewn cartref gofal ychydig yn ôl. Nid yw wedi siarad ers pum mlynedd, ond ers ein hymweliad mae wedi dechrau dweud 'Eric'.

“Mae’n dangos pa mor bositif mae pobl yn ymateb iddyn nhw.”

Ariannwyd ymweliad yr anifeiliaid drwy rodd ward.