Diweddariad ymweliadau a mygydau/gorchudd wyneb 29 Ionawr 2025

Rydym yn falch o nodi bod achosion o'r ffliw a firysau eraill sy'n lledaenu'n hawdd wedi dechrau lleihau yn ardal Bae Abertawe. Oherwydd hyn, rydym yn gallu llacio rhai o'r cyfyngiadau sy’n gysylltiedig ag ymweld a hefyd yr angen i wisgo mwgwd /gorchudd wyneb a chyflwynwyd yn ddiweddar. Gweler manylion isod cyn ymweld.

Ymweld

Codwyd y cyfyngiadau yn Ysbytai Singleton a Chastell-nedd Port Talbot, a rhannau sylweddol o Ysbyty Treforys. Fodd bynnag, mae rhai cyfyngiadau dal i fod mewn grym mewn mannau penodol yn Nhreforys ac ar wardiau cleifion mewnol yn Ysbyty Gorseinon.

Yn yr ardaloedd a rhestrir isod, cyfyngir ymweliadau yn llym i *ymweld â phwrpas a rhaid trafod a chytuno ymweliadau gyda’r ward yn gyntaf. Os yw ymweliad yn cael ei gytuno, rhaid i chi wisgo gorchudd wyneb.

Ward Gŵyr yn Ysbyty Treforys
Uned Asesu yr Henoed, Ysbyty Treforys
Ward Cleifion Mewnol Ysbyty Gorseinon

Mygydau/Gorchuddion Wyneb

Bellach, nid oes angen gwisgo mygydau/gorchuddion wyneb yn ein hysbytai, ac eithrio’r lleoliadau canlynol lle dylech barhau i’w wisgo.

Ward Gŵyr, Ysbyty Treforys
Uned Asesu yr Henoed, Ysbyty Treforys
Adran Achosion Brys, Ysbyty Treforys
Gofal Brys yr Un Diwrnod (SDEC), Ysbyty Treforys
Uned Meddygol Acíwt, Ysbyty Treforys
Uned Asesu/Derbyn Pediatreg, Ysbyty Treforys
Ward Cleifion Mewnol, Ysbyty Gorseinon.

*Mae Ymweld â Phwrpas yn caniatau i un ffrind neu berthynas i ymweld â chlaf dan amgylchiadau arbennig. Er enghraifft, ymweld â rhywun sydd yn niwrnodau olaf ei hoes, neu sydd ag amhariad cof, neu sydd angen lefel uchel o gefnogaeth emosiynnol. Hynny yw, pan fydd ymweliad yn cael ei ystyried yn hanfodol ar gyfer llesiant claf sy’n agored i niwed. Rhaid cytuno hyn o flaen llaw gyda staff y ward a rhwystrir ymweliadau i un awr y diwrnod. Caiff y wybodaeth ar y dudalen we hon ei ddiweddaru yn rheolaidd, felly gwiriwch yma cyn ymweld.