Apwyntiadau rhithwir yn helpu guro'r cloi-lawr.

Mae rhith-benodiadau yn helpu Bwrdd Iechyd Prifysgol Bae Abertawe i gynnal gwasanaethau yn ystod y cloi-lawr.

Gydag unigedd cymdeithasol yn ei anterth a'r angen i leihau nifer yr ymwelwyr yn ein hysbytai a'n clinigau, sgyrsiau fideo yw'r ateb, gyda chleifion yn gallu cadw eu hapwyntiadau o ddiogelwch eu cartrefi eu hunain drwy ddyfeisiau Windows, Android ac Apple.

Tîm gwasanaethau digidol Bae Abertawe sy'n arwain y cynllun a hyd yn hyn mae'n adnodd defnyddiol iawn.

Dywedodd Matt John, Cyfarwyddwr cyswllt gwasanaethau digidol: "Mae clinigwyr y byrddau iechyd yn defnyddio'r rhyngrwyd i roi cymorth clinigol critigol i gleifion yn ystod y cyfnod hwn o ansicrwydd. Mae hyn yn golygu bod ein staff wedi llwyddo i gysylltu fideo â chleifion drwy ddyfeisiau Windows, Android ac Apple.    

"Y brif fantais yw, drwy ddefnyddio cyfeiriad e-bost y claf, gellir anfon gwahoddiad at y claf sydd wedyn yn gallu ymuno â'r alwad drwy ei ffôn symudol neu ddyfais arall sydd â chamera."

Hyd yn hyn mae dros 250 o ddefnyddwyr gyda Chanolfan Ganser De-orllewin Cymru, llosgiadau a phlastigau, grŵp gwasanaethau plant, seicoleg, yn ogystal ag unigolion, eisoes wedi ymuno â'r gwasanaeth.

Dywedodd Dr Rachel Evans, Pediatregydd Ymgynghorol (chwith): "Mae pediatreg wedi bod yn defnyddio'r datrysiad ers pedair wythnos. Fel rheol, adolygir plant â ffibrosis systig yn ein clinigau amlddisgyblaethol yn Nhreforys bob deufis o leiaf, ond ar hyn o bryd mae pob claf ffibrosis systig (CF) yn cysgodi ar hyn o bryd wrth iddynt ddisgyn i'r grŵp bregus ar gyfer COVID-19.  Mae defnyddio'r gwasanaeth wedi ein galluogi i adolygu ein cleifion drwy fideofideo ac i'r teuluoedd ein gweld hefyd.

"Oherwydd y Rheol ymbellhau cymdeithasol dau fetr, rydym wedi cyfyngu'r nifer o'n tîm sy'n bresennol ar gyfer y clinigau rhithwir hyn. Y nyrs CYNG Rachel Rees, y dietegydd Leanne John a minnau wedi bod yn bresennol yn ystod apwyntiadau mewn clinig rhithwir.

"Mae ein ffisiotherapydd Mari Powell wedi bod yn cysylltu â'r teuluoedd ar wahân. Hyd yn hyn rydym wedi gwneud pedwar clinig CF rhithwir yn ystod y pedair wythnos diwethaf. Mae'r adborth gan y plant a'u teuluoedd wedi bod yn gadarnhaol. "

Dywedodd Dr Richard Lingard, seicolegydd clinigol ymgynghorol, sydd wedi bod yn ei ddefnyddio ers y dechrau: "fel seicolegwyr, rydym wedi bod yn defnyddio'r gwasanaeth i barhau i roi triniaeth frys i'n cleientiaid; Mae gallu gweld yn ogystal â siarad â'n cleientiaid yn gwella ein hymdeimlad o gysylltiad â'n cleientiaid, a gall ein helpu ni i asesu'n gywir ymateb ein cleientiaid i'r driniaeth. 

"Mae rhannu sgrin hefyd yn ein galluogi i gyfleu gwybodaeth mewn gwahanol fformatau i gynorthwyo triniaeth seicolegol.

"Gallwn hefyd gynnal cyfarfodydd gyda chydweithwyr ar draws y Bwrdd Iechyd, sydd wedi bod yn gymorth hollbwysig wrth i ni geisio ailgynllunio ffyrdd o ddarparu ein gwasanaethau proffesiynol yn gyflym."

Dywedodd Dr Lingard hefyd fod y gwasanaeth yn ddefnyddiol o ran darparu hyfforddiant i gydweithwyr ar draws y Bwrdd Iechyd a chynorthwyo'r gwasanaeth lles staff i gefnogi cydweithwyr.