Trosolwg

Mae'r polisi teithio cleifion wedi'i ddatblygu yn unol â'r ymrwymiadau a wnaed yn rhaglen LlC ar gyfer trawsnewid a moderneiddio gofal wedi'i gynllunio a lleihau rhestrau aros yng Nghymru a Rôl cleifion allanol wrth drawsnewid gofal wedi'i gynllunio yng Nghymru. er mwyn sicrhau bod cymorth ar gael yn hawdd i'r rhai y mae'n ofynnol iddynt deithio i gael mynediad at apwyntiadau ac ymyriadau mewn gwasanaethau gofal eilaidd. Mae hyn yn cynnwys hebrwng cleifion lle bo'n briodol (gweler Adran 3: Rôl a chyfrifoldebau ).

Diben y polisi hwn yw cael:

Polisi Teithio Cleifion sy'n adlewyrchu'r ymgyrch glir i foderneiddio a thrawsnewid y ffordd y darperir gwasanaethau gofal wedi'u cynllunio gan y GIG yng Nghymru, gan gynnwys symud tuag at fodel rhanbarthol sy'n esblygu.
Cynlluniau teithio sy'n gysylltiedig â'n byrddau iechyd yn comisiynu darparwyr allanol i ddarparu gwasanaethau ar eu rhan.
Systemau a phrosesau gweithio rhanbarthol.
Negeseuon cyson i hysbysu cleifion am fanteision teithio i gael gofal.
Cyfathrebu effeithiol ynghylch cymhwysedd i gael cymorth gyda theithio.

Nod Polisi Teithio Cleifion yw:

Cefnogi cynhwysiant economaidd-gymdeithasol i sicrhau mynediad cyfartal at wasanaethau i gleifion ledled Cymru.
Mwyafu mynediad at wasanaethau.
Sicrhau bod y trefniadau teithio mwyaf effeithlon a chost-effeithiol yn cael eu rhoi ar waith yn unol ag anghenion unigol cleifion.