Llongyfarchiadau ar enedigaeth eich babi newydd!
Byddem wrth ein bodd yn dathlu eich dyfodiad newydd trwy rannu llun ar ein cyfrif cyfryngau cymdeithasol (Facebook). Efallai y byddwn hefyd yn defnyddio'r lluniau hyn ar ein gwefan ac o bosibl mewn mannau eraill fel ein hadroddiad blynyddol.
Sylwch efallai y gofynnir am luniau at ddefnydd y wasg a'r cyfryngau.
Does dim pwysau i gymryd rhan o gwbl.
Rhannu eich lluniau eich hun
Anfonwch luniau o'ch babi drwy e-bost i BIPBA.BabanodyBae@wales.nhs.uk. Wrth anfon e-bost, cofiwch gynnwys enw'ch babi, ei bwysau adeg ei eni, ei ben-blwydd, ei leoliad cartref a ble y cafodd ei eni (Ysbytai Singleton neu Gastell-nedd Port Talbot).
Lluniau'r bwrdd iechyd
Efallai y byddwn yn gofyn i aelod o'r bwrdd iechyd ymweld â ward 20 (ward ôl-enedigol) i dynnu lluniau o'r babanod (gyda chaniatâd rhieni). Bydd y lluniau hyn yn cael eu postio ar y cyfryngau cymdeithasol yn fuan wedyn.
Cyfryngau Cymdeithasol
Bydd llun eich babi yn cael ei bostio ar brif sianeli cyfryngau cymdeithasol y bwrdd iechyd a sianeli Facebook ac Instagram Gwasanaeth Mamolaeth BIPBA.
Gallwch ein tagio ni yn eich lluniau ar eich cyfrifon cyfryngau cymdeithasol eich hun drwy ddefnyddio @BIPBaeAbertawe ar Instagram neu @BaeAbertaweGIG ar Facebook.
Pam? Weithiau defnyddir delweddau a/neu fideos o gleifion, rhieni/gwarcheidwaid, perthnasau neu staff i hyrwyddo gwaith ein hysbytai, clinigau a gwasanaethau.
Pwy sy'n defnyddio hwn? Gall y bwrdd iechyd neu'r wasg a'r cyfryngau ddefnyddio'r delweddau neu'r fideos.
I ble fyddan nhw'n mynd? Bydd y rhain yn y parth cyhoeddus ac ar y rhyngrwyd, sy'n golygu y gellir eu gweld yn eang.
Mae'r amrywiaeth o leoedd y gellid eu defnyddio yn cynnwys cyfryngau cymdeithasol, e.e. Facebook, Instagram ac ati, gwefannau, cylchlythyrau neu adroddiadau blynyddol, safleoedd newyddion ar-lein neu bapurau newydd/cylchgronau. Nodyn: efallai na fydd pob delwedd/gwybodaeth yn ymddangos ar bob safle neu'n cael ei defnyddio o gwbl.
A allaf newid fy meddwl? Gallwch, gallwch dynnu caniatâd yn ôl unrhyw bryd. Ond byddwch yn ymwybodol, er ein bod yn gallu dileu delweddau, fideo a gwybodaeth o'n gwefan a'n safleoedd cyfryngau cymdeithasol ein hunain, nad oes gennym unrhyw reolaeth dros eitemau sydd eisoes yn y parth cyhoeddus ehangach/rhyngrwyd.
Os hoffech dynnu eich caniatâd yn ôl, cysylltwch â thîm cyfathrebu'r bwrdd iechyd: BIPBA.AdranGyfathrebu@wales.nhs.uk. Ni fydd tynnu eich caniatâd yn ôl ar unrhyw adeg yn effeithio ar eich perthynas â'r bwrdd iechyd.
Gwybodaeth Ychwanegol
- Bydd pob ffotograff a fideo a gedwir gan y bwrdd iechyd yn cael eu defnyddio mewn cyd-destun priodol. Byddwn yn eu cadw am gyfnod amhenodol neu nes i chi ddirymu eich caniatâd.
- Defnyddir yr holl ddelweddau, lluniau fideo a straeon sydd gan y bwrdd iechyd i hyrwyddo ein gwaith, ein hamcanion a'n gwerthoedd yn gadarnhaol.
- Bydd eich data yn cael ei storio'n electronig yn unol â'r Rheoliad Diogelu Data Cyffredinol (GDPR) 2016.
- Fodd bynnag, nid yw'r bwrdd iechyd yn gyfrifol am ddelweddau na fideos a allai gael eu tynnu neu eu defnyddio gan unrhyw sefydliad allanol.
Rydym yn croesawu gohebiaeth a galwadau ffôn yn y Gymraeg neu'r Saesneg. Atebir gohebiaeth Gymraeg yn y Gymraeg, ac ni fydd hyn yn arwain at oedi.