Gwybodaeth am amser aros

Rydym wedi ymrwymo i onestrwydd a'ch helpu i gynllunio'ch gofal.

Unwaith y byddwch wedi cael eich atgyfeirio'n llwyddiannus gan eich meddyg teulu, neu atgyfeiriwr clinigol arall, i weld ymgynghorydd arbenigol yn yr ysbyty, byddwch yn mynd ar restr aros ar gyfer eich apwyntiad claf allanol cyntaf.

Rydym yn deall y gall fod yn rhwystredig peidio â gwybod yn union pryd y cewch eich gweld. Fodd bynnag, os byddwch yn cysylltu â ni i ofyn ble rydych chi ar y rhestr aros, neu pa mor hir y bydd yn rhaid i chi aros, ni allwn roi'r wybodaeth hon i chi yn union. Mae hyn oherwydd bod rhestrau aros yn ddeinamig ac yn newid yn ddyddiol wrth i gleifion gael eu hychwanegu a'u tynnu allan.

Fodd bynnag, er na allwn ragweld yn union pa mor hir y byddwch yn aros i gael eich gweld, efallai y byddwch yn gallu cael syniad cyffredinol o'r ffigurau yn y tabl isod. Ein nod yw diweddaru'r wybodaeth hon yn fisol.

Mae'r amseroedd aros diweddar a restrir isod yn adlewyrchu'r amser hiraf y bu cleifion yn aros am bob gwasanaeth ar gyfer eu hapwyntiad cleifion allanol cyntaf yn yr ysbyty. Gan mai'r rhain oedd yr amseroedd hiraf, cofiwch fod rhai cleifion wedi cael eu gweld yn gynharach na hyn.

Hefyd, o bryd i'w gilydd gallai amgylchiadau annisgwyl - fel salwch staff - ychwanegu at amseroedd aros yn y dyfodol.

Noder nad yw'r amseroedd aros ar gyfer pobl sy'n cael eu hatgyfeirio gydag amheuaeth o ganser wedi'u cynnwys yma, gan fod gan y cleifion hyn eu hamseroedd llwybr eu hunain.

Amseroedd aros BIP Bae Abertawe ar gyfer apwyntiadau cleifion allanol newydd ddiwedd mis Ebrill, 2026 - yr amseroedd aros hiraf

Diolch yn fawr

Rydym yn gwerthfawrogi eich amynedd a'ch dealltwriaeth wrth i ni weithio i ddarparu gofal amserol o ansawdd uchel i bawb.  

Bwriad y ffigurau hyn yw rhoi syniad realistig i chi o beth i'w ddisgwyl, ac i'ch helpu i gynllunio ymlaen llaw. Fodd bynnag, fel yr eglurwyd uchod, gallai'r amser y byddwch yn aros amrywio.