Methiant y Galon - hunanofal

Rheoli hunanofal

Rydym yn eich cynghori i sicrhau bod gennych glorian bwyso gartref (nid i edrych ar faint rydych chi'n ei fwyta) ond i chwilio am unrhyw hylif a allai ddatblygu oherwydd eich cyflwr.

 Cofiwch Deffro, Pi-pi a Phwyso ac yna ysgrifennwch ef mewn llyfr nodiadau bob bore, fel y gallwch ei gymharu â'r diwrnod blaenorol.

Mae cleifion wedi canfod bod yr 'Offeryn Hunan-Fonitro Goleuadau Traffig' isod yn ddefnyddiol iawn i ddeall a helpu i gadw llygad ar eu cyflwr.

Bob dydd: Pwyswch eich hun yn y bore cyn brecwast, ysgrifennwch ef i lawr a chymharwch â phwysau ddoe. Cymerwch eich meddyginiaeth fel y'i rhagnodir. Gwiriwch am chwydd yn eich traed, fferau, coesau a stumog. Bwytewch fwyd halen isel. Cydbwyswch weithgarwch a chyfnodau gorffwys.

GWYRDD - Mae eich symptomau arferol dan reolaeth ac mae gennych:

•Dim mwy o ddiffyg anadl. •Dim chwydd ychwanegol yn eich traed, fferau, coesau na stumog. •Dim poen yn y frest. •Dim ennill pwysau ychwanegol (o fwy na 2-3 pwys ar rai dyddiau). •Os yw'r pwysau'n cynyddu hyd at 3 pwys ac yn parhau i gynyddu'r diwrnod canlynol, symudwch i'r parth ambr.

AMBR - Cysylltwch â'ch meddyg neu nyrs cyn gynted â phosibl os oes gennych unrhyw un o'r canlynol:

• Ennill pwysau cyflym o fwy na 4-5 pwys dros ddau ddiwrnod neu wythnos yn olynol. • Mwy o ddiffyg anadl a goddef llai o weithgarwch. • Mwy o chwyddo yn y traed, y fferau, y coesau neu'r stumog. • Colli archwaeth / cyfog yn wahanol i'r arfer. • Peswch sych yn gwaethygu. • Pendro neu deimlo'n wahanol i'r arfer. • Mae'n anoddach i chi anadlu wrth orwedd. • Teimlo'n anesmwyth, rydych chi'n gwybod bod rhywbeth o'i le. • Mae angen i chi gysgu'n eistedd mewn cadair.

COCH - Ffoniwch 999 neu 112 (o ffôn symudol) os byddwch chi'n profi unrhyw un o'r canlynol:

•Anhawster anadlu. •Diffyg anadl difrifol a pharhaus. •Diffyg anadl heb ei leddfu wrth eistedd yn llonydd. •Cael poen yn y frest nad yw'n cael ei leddfu gan nitroglyserin (GTN). •Llwygu.