Therapydd Teulu

Sarah ydw i ac rwy'n gweithio fel Therapydd Teulu yn y Gwasanaeth Iechyd Meddwl Plant a Phobl Ifanc (CAMHS). Rwy'n cwrdd â phobl ifanc a'u teuluoedd, gan ddarparu lle diogel iddyn nhw siarad am eu pryderon ac weithiau am bynciau anodd.

Rydyn ni'n gwybod bod teuluoedd yn dod mewn gwahanol ffurfiau ac yn credu nad oes ffordd 'gywir' o fod yn deulu gyda'n gilydd. Rydyn ni hefyd yn gwybod bod teuluoedd yn cynnwys unigolion, pob un yn dod â'i safbwyntiau ei hun. Mae gen i ddiddordeb mewn dod i adnabod teuluoedd a chlywed am y llwyddiannau, yr heriau a'r adnoddau sy'n gwneud y teulu'n unigryw.

Dw i'n hoffi dysgu am sut mae teulu'n rheoli eu bywyd bob dydd drwy ddeall eu diwylliant, eu credoau, rheolau teuluol, profiadau unigol a phethau eraill sy'n bwysig iddyn nhw, gan fod hyn mor ddefnyddiol wrth feddwl am sut mae heriau'n byw ochr yn ochr â bywyd teuluol.