Prif Swyddog Gweithredol newydd wedi'i benodi i Fwrdd Iechyd Prifysgol Bae Abertawe

Mae Bwrdd Iechyd Prifysgol Bae Abertawe wedi llwyddo i benodi Prif Weithredwr newydd i gymryd yr awenau pan fydd Tracy Myhill yn ymddeol ar ddiwedd y flwyddyn.

Bydd Mark Hackett yn dechrau yn ei swydd yn gynnar ym mis Ionawr 2021.

Bydd Mark (dde) yn dod gyda dros ugain mlynedd o brofiad gydag ef fel Prif Weithredwr y GIG, ynghyd â phrofiad o rolau arwain system yn y GIG yn Lloegr ac o ymgynghoriaeth gofal iechyd.

Dywedodd Mark Hackett: “Rwyf wrth fy modd fy mod wedi cael fy mhenodi fel y Prif Weithredwr newydd ac rwy’n edrych ymlaen at ddechrau yn y flwyddyn newydd.

“Rwy’n gwybod fy mod yn ymuno ar adeg gyffrous i’r sefydliad, yn dilyn ei ddad-ddwysáu diweddar o Ymyrraeth wedi’i Dargedu.

“Mae yna llawer o gyfleoedd a heriau o'n blaenau i wella gwasanaethau iechyd ac iechyd a lles y boblogaeth.

“Rwyf eisoes wedi fy nharo gan ymrwymiad ac ymroddiad staff y Bwrdd Iechyd a'u partneriaid.

“Rwy’n edrych ymlaen yn fawr at ymuno a bod yn rhan o’r tîm.”

Dywedodd Emma Woollett, Cadeirydd Bwrdd Iechyd Prifysgol Bae Abertawe: “Rwy’n falch iawn o gyhoeddi penodiad Mark.

“Mae dyfnder ei brofiad o arwain sefydliadau gofal iechyd mawr a chymhleth yn llwyddiannus yn ei wneud mewn sefyllfa dda i symud BIP Bae Abertawe ymlaen.”

Ychwanegodd: “Rwy’n ddiolchgar iawn i Tracy Myhill am ei harweiniad parhaus o’r Bwrdd Iechyd, ac iddi hi a Mark am eu cyd-ymrwymiad i gefnogi trosglwyddiad esmwyth.”