Mae'n fyd garddwr yng Nghorseinon wrth i gleifion droi at bŵer blodau

YN Y LLUN: Claf Julie Date (chwith); Gweithiwr Cymorth Gofal Iechyd, Donna Barnard; Christine Pettifer, rheolwr safle a chlaf Lilian Hughes.

Mae cleifion oedrannus yn codi eu trywelion ac yn plannu blodau yn Ysbyty Gorseinon er budd eu lles a’u hadferiad.

Mae ailddatblygiad o gwrt yr ysbyty yn rhoi cyfle i gleifion oedrannus fynd allan i'r awyr agored a helpu i gynnal a chadw'r ardd yn dilyn ei hadnewyddiad yr haf diwethaf.

Mae gwelyau uchel yn y cwrt sy'n galluogi cleifion addas i'w cynnal a'u cadw'n hawdd a sicrhau bod yr ardd yn blodeuo.

YN Y LLUN: Christine Pettifer, rheolwr safle; Debra McNeil, metron ysbyty; Gillian Dunn, Rheolwr Uned, a'r therapydd galwedigaethol Laura Button-Jones.

Yn ogystal â chadw cleifion yn actif a lleihau'r amser a dreulir ar wardiau, mae garddio o fudd iddynt o ran ysgogiad meddyliol a chorfforol.

Mae Julie Date yn un o’r cleifion sydd wedi cymryd rhan mewn chwynnu a phlannu bylbiau newydd.

Dywedodd: “Rwyf wrth fy modd yn dod allan i'r ardd a helpu. Mae'n gyfle braf i fynd allan, cael ychydig o awyr iach a theimlo'r heulwen.

“Rwyf wedi bod yn hoff iawn o arddio yn y gorffennol, felly mae hwn yn beth braf i mi ei wneud. Rwy’n hoffi bod yn yr awyr agored yn hytrach nag ar ward, felly mae’n gyfle i mi fod y tu allan a mwynhau popeth sydd gan yr ardd.”

Mae buddion cleifion yn cymryd rhan mewn garddio hefyd yn ymestyn i staff, sydd ag ardal dan do bwrpasol - o'r enw y Cwtch - i gymryd eu hegwyl ginio.

Dywedodd Christine Pettifer, rheolwr safle yn Ysbyty Gorseinon: “Rydym yn ffodus i gael gardd hyfryd y gall ein cleifion ei defnyddio. Boed hynny i ddod allan i fwynhau’r awyr iach a’r heulwen neu i blannu rhai blodau’r haf, mae’n sicr wedi bod o fudd iddynt o ran eu lles.

“Mae'n rhan o'u helpu i wella mewn ffordd wahanol hefyd, tra i'n staff mae'n rhoi cyfle iddynt ddod i ffwrdd o leoliad clinigol a mwynhau'r ardd eu hunain.

YN Y LLUN: Claf Velma Thomas a Gweithiwr Cymorth Gofal Iechyd, Donna Barnard.

“Mae hefyd yn rhoi ymdeimlad o gyflawniad a balchder i bawb sy’n gysylltiedig â chynnal ein gardd gan ei bod yno i bawb ei mwynhau.”

Ychwanegodd Debra McNeil, metron ysbyty: “Gellir defnyddio’r ardd i helpu ein cleifion mewn staff mewn nifer o ffyrdd.

“Mae’n ffordd wych o fynd â’r claf i ffwrdd o’r ward a rhoi rhywbeth ysgogol iddynt ei wneud. Mae'n bwysig os yw claf yn gallu codi a mynd tu allan yna ei fod yn gwneud hynny, oherwydd gall roi hwb mawr yn feddyliol.

“Mae gennym ni ychydig o arddwyr brwd ymhlith ein cleifion, felly maen nhw wrth eu bodd pan fydd yr haul yn gwenu ac mae ganddyn nhw gyfle i wneud ychydig o arddio.

“Mae cleifion bob amser yn dod i mewn i'r cwrt ac mae lefel y garddio maen nhw eisiau ei wneud yn dibynnu arnyn nhw.

YN Y LLUN: Cleifion Julie Date (chwith) a Helen Rees wedi bod yn helpu i gynnal yr ardd.

“Maen nhw wedi gwneud gwaith mor dda yn cynnal a chadw’r ardd, mae’n lleoliad hyfryd i gleifion a staff gymryd synau’r adar i mewn, gorffwys ac ailosod.”