Mae angen cefnogaeth arnaf ar gyfer fy iechyd meddwl. Ble ddylwn i ddechrau?

Rhowch gynnig ar yr adnoddau hunangymorth ar-lein a restrir yng nghwestiwn un.

Gallwch hefyd roi cynnig ar y sefydliadau hyn.

Sylwir os gwelwch yn dda bod rhai dolenni allanol ddim ar gael yn y Gymraeg.

• Samariaid - 116 123 (AM DDIM ac ar gael 24/7) E-bost: jo@samaritans.org Ewch i wefan y Samariaid.
• Llinell Gymorth Iechyd Meddwl CALL i Gymru - 0800 132 737 (AM DDIM ac ar gael 24/7) Cymorth testun i 81066. Ewch i Llinell Gymorth Iechyd Meddwl CALL ar gyfer Cymru.
• Llinell Gymorth Cyffuriau ac Alcohol Dan 24/7 Cymru - 0808 808 2234 (AM DDIM ac ar gael 24/7, dwyieithog) Testun Dan i 81066. Ewch i wefan Dan 24/7.
• Llinell Gymorth Dementia Cymru - 0808 808 2235 (AM DDIM) Cymorth testun i 81066. Ewch i wefan Llinell Gymorth Dementia Cymru.

Pecyn cymorth i bobl ifanc 11-25 oed

Ydych chi'n berson ifanc sy'n ei chael hi'n anodd yn ystod y pandemig? Gan gydnabod bod llawer o bobl ifanc yn cael y sefyllfa bresennol yn heriol, mae Llywodraeth Cymru wedi creu adnodd ar-lein sy'n hyrwyddo'r nifer o offer digidol sydd wedi'u cynllunio'n benodol i gefnogi pobl ifanc â'u hiechyd meddwl a'u lles emosiynol eu hunain.

Mae Pecyn Cymorth Iechyd Meddwl Pobl Ifanc yn cysylltu pobl ifanc, rhwng 11 a 25 oed, â gwefannau, apiau, llinellau cymorth a mwy i adeiladu gwytnwch a'u cefnogi trwy'r pandemig Coronavirus a thu hwnt. Mae'r dyluniad syml yn galluogi defnyddwyr i reoli eu hiechyd meddwl trwy gyfrwng sy'n addas iddyn nhw, gyda gwybodaeth, hunangymorth, a chyngor ar sut i geisio cefnogaeth bellach wedi'i hymgorffori drwyddi draw.

Dilynwch y ddolen hon i gael mynediad at Becyn Cymorth Iechyd Meddwl Pobl Ifanc Llywodraeth Cymru ar gyfer y rhai rhwng 11 a 25 oed. Mae'n cysylltu â gwefannau, apiau, llinellau cymorth a mwy i helpu i adeiladu gwytnwch a darparu cefnogaeth trwy'r pandemig.

Os ydych chi'n parhau i gael trafferth gyda'ch iechyd meddwl, siaradwch â'ch meddyg teulu.