Atgyfnerthiad Covid-19 - Gwanwyn/Haf 2026

Mae Llywodraeth Cymru wedi derbyn y cyngor diweddaraf gan y Cyd-bwyllgor ar Frechu ac Imiwneiddio (JCVI), sydd wedi cynghori y dylid cynnig brechiad COVID-19 yn y gwanwyn/haf i'n dinasyddion mwyaf agored i niwed yn 2026.

Fe'i cynigir fel rhagofal fel bod y rhai sydd fwyaf mewn perygl o fynd yn ddifrifol wael os ydynt yn dal y coronafeirws yn gallu cynnal lefel uchel o imiwnedd.

I bwy rydyn ni'n cynnig y brechlyn?

Oedolion 75 oed a throsodd
Preswylwyr mewn cartref gofal i oedolion hŷn
Unigolion 6 mis oed a hŷn sydd ag imiwnedd gwanedig

Pryd fydda i'n cael brechlyn?

Bydd rhaglen Gwanwyn/Haf COVID-19 yn rhedeg rhwng mis Ebrill a mis Mehefin 2026. Bydd rhywfaint o hyblygrwydd cyfyngedig i fis Gorffennaf, i'r rhai na allant gael brechiad o fewn prif ffenestr y rhaglen, oherwydd salwch.

Sut a phryd y byddaf yn clywed?

Anfonir llythyr atoch gan Dîm Imiwneiddio BIP Bae Abertawe gydag apwyntiad mewn meddygfa, fferyllfa gymunedol leol, canolfan frechu neu ar fwrdd ein imbiwlans.

Yr apwyntiad sy'n cael ei gynnig yw ar gyfer yr atgyfnerthydd Covid-19 gwanwyn/haf 2026.

Efallai eich bod eisoes wedi clywed gennym ni, bydd apwyntiadau'n dechrau o ddechrau mis Ebrill 2026.

Ond peidiwch â phoeni os na fyddwch yn clywed gennym ar unwaith, rhoddir apwyntiadau wrth i ni weithio trwy'r grwpiau cymhwysedd.

Nid oes angen cysylltu â'ch meddygfa na'r bwrdd iechyd. Os ydych chi'n gymwys, anfonir apwyntiad atoch.

Sut alla i ganslo neu newid fy apwyntiad?

Os na allwch ddod i'ch apwyntiad, cyfeiriwch at eich llythyr gwahoddiad a chysylltwch â'r Tîm Archebu Imiwneiddio ar 01639 862323.

Bydd rhagor o wybodaeth am raglen hybu Covid-19 gwanwyn/haf 2026 yn cael ei hychwanegu at y dudalen hon pan fydd ar gael.