Briwiau pwyso ac osgo'r corff

Briwiau pwyso (doluriau) yw difrod i'r croen a meinwe sylfaenol y corff a achosir gan bwysau parhaus ar rannau esgyrnog o'r corff. Gallant ddigwydd yn gyflym iawn a gallant arwain at ganlyniadau enbyd. Os byddwch yn treulio llawer o amser mewn un safle, dyma ychydig o ffyrdd i helpu i leihau eich risg:

Gall briwiau pwyso ddatblygu yn sgil diffyg symud - ceisiwch symud mor aml ag y gallwch chi
Gwiriwch y croen mewn rhannau o'r corff sydd mewn perygl: pen-ôl, sacrwm (bôn asgwrn y cefn), cluniau, fferau, sodlau

Eisteddwch mewn cadair pan fo'n ddiogel ac yn ymarferol gwneud hynny - mae awr yn gwneud gwahaniaeth
Ystyriwch y sedd rydych chi'n ei defnyddio mewn perthynas â rhannau o'r corff. Gall eich osgo newid dros amser.
Sylwch ar osgo eistedd neu orwedd a all gynyddu'r risg o bwysau ar fannau bregus
Os ydych chi yn y gwely ac yn symud llai, defnyddiwch gefnogaeth i'ch helpu i gadw'ch ysgwyddau yn unol â'ch cluniau, cefnogwch y coesau os oes angen. Ceisiwch osgoi bod ar dro.
Defnyddiwch obenyddion, clustogau neu dyweli/blancedi meddal wedi'u plygu os nad oes offer swyddogol ar gael ar gyfer cefnogi'ch osgo yn y gwely
Peidiwch ag anghofio'r traed. Peidiwch â rhoi pwysau ar eich sodlau lle bo hynny'n bosibl.

Gosod eich sedd yn iawn

Mae'n bwysig ystyried sut y gall eich sedd effeithio ar eich risg o ddatblygu briwiau pwysau.

Ystyriwch:

Sedd sy'n rhy eang - pen-ôl, penelinoedd mewn perygl
Sedd sy'n rhy gul - cluniau mewn perygl
Sedd sy'n rhy uchel - sacrwm, pen-ôl, cefn y cluniau mewn perygl
Sedd sy'n rhy isel - pen-ôl mewn perygl
Sedd sy'n rhy ddwfn - sacrwm, pen-ôl mewn perygl

Hefyd, mae'n bwysig ystyried y canlynol:

Gallai lleddorwedd gynyddu'r pwysau ar y sacrwm
Gall codi'r coesau gynyddu'r pwysau ar y sacrwm
Gall bod ar ogwydd leihau pwysau ar y pelfis
Ystyriwch effaith clustogau ychwanegol, gallai hyn wneud y gadair yn rhy uchel

Peidiwch ag anghofio'r traed

Gall briwiau pwyso ddigwydd ar y sodlau. Codwch eich sodlau heb eu pwyso ar unrhyw beth er mwyn lleihau’r risg.

Sicrhewch fod unrhyw offer a roddir ar gyfer y traed wedi'i osod yn gywir.

Crebachu'r cyhyrau (eu tynhau)

Gall treulio llawer o amser mewn gwely arwain at grebachu'r cyhyrau (neu dynhau'r cyhyrau).

Mae crebachu cyhyrau'n creu pwysau ar rannau o'r corff nad ydyn nhw fel rheol yn cael eu llwytho
Gall rhannau'r corff sy'n cysylltu â'i gilydd achosi rhagor o risg
Dylai osgo'r ysgwydd a'r glun gyd-fynd â'i gilydd; cefnogwch y coesau os oes angen
Pan nad yw eistedd yn bosibl dylid cymryd camau eraill i fod mor hyblyg â phosib
Bydd cynhalwyr gwely nid yn unig o fudd yn y tymor hir ond hefyd yn osgoi rhoi pwysau anwastad ar rai rhannau o'r corff.

Lluniau: hawlfraint PUPIS/Helen Frost