Mae'r gwasanaeth meddygaeth gyffredinol i oedolion a gwasanaeth niwro-gleifion allanol wedi'i leoli yn Ysbyty Castell-nedd Port Talbot. Rydym yn darparu therapi ac asesiad sy'n canolbwyntio ar nodau i bobl sy'n cyflwyno gyda newidiadau i'w lleferydd, iaith, cyfathrebu a/neu lyncu.

Ar gyfer pob therapi, rydym yn annog ymgysylltiad a chydsyniad llawn gan y person sy'n derbyn triniaeth, a phan fo angen, eu pobl allweddol, er enghraifft, partneriaid cyfathrebu neu ofalwyr. Mae hyn er mwyn sicrhau'r effeithiau cadarnhaol mwyaf posibl o therapi a gwella'r canlyniad.

Beth rydyn ni'n ei wneud

• Asesu, trin a chefnogi anawsterau cyfathrebu sy'n cynnwys lleferydd (dysarthria, dyspracsia lleferydd, anrhuglder), ac iaith (affasia).
• Asesu, rheoli ac adsefydlu anawsterau bwyta, yfed a llyncu (dysffagia)
• Mynediad at werthusiad ffibroptig o lyncu (FEES) neu astudiaethau llyncu fideofflworosgopig (VFSS) i arwain rheoli llyncu os oes angen.
• Gweithio fel rhan o Dîm Amlddisgyblaethol Clefyd Parkinson yn Ysbyty Gorseinon a darparu ymyrraeth yn seiliedig ar dystiolaeth i gefnogi siarad â llais uwch.
• Asesu, gwneud a chefnogi'r defnydd o systemau Cyfathrebu Ychwanegol ac Amgen (AAC) sy'n seiliedig ar bapur ac o dechnoleg ganolig.

Sut i gael mynediad at y gwasanaethau cleifion allanol hyn

E-bost: BIPBA.TherapiIaithALleferyddOedolion@wales.nhs.uk

Ffôn: 01639 862694

Atgyfeiriad gan feddyg teulu: Trwy eich meddyg teulu – rhannwch yr anawsterau rydych chi wedi bod yn eu cael a gofynnwch iddyn nhw eich atgyfeirio at SLT.

Os ydych chi'n feddyg teulu a bod eich claf yn gallu dod i'r clinig am apwyntiad, cyfeiriwch at y gwasanaeth cleifion allanol i oedolion drwy Borth Gweinyddol Cymru (WAP).