Uned Mân Anafiadau - Castell-nedd Port Talbot

Gwybodaeth Pwysig:

Ni all yr Uned Mân Anafiadau ymdrin â chleifion â symptomau Covid-19, neu unrhyw salwch arall, trawiad ar y galon a amheuir neu strôc.

I gael gwybodaeth am y Coronafeirws, ewch i'n hadran gwefan bwrpasol.

Os oes angen i chi fynychu'r Uned Mân Anafiadau, ewch yno ar eich pen eich hun er eich diogelwch chi a diogelwch eraill. Os yw'r claf yn blentyn neu'n agored i niwed, sicrhewch mai dim ond un person sydd gyda nhw.

Diolch.

Gwybodaeth am yr Uned Mân Anafiadau

Gall oedolion a phlant dros un blwydd oed sydd wedi cael damwain yn yr wythnosau diwethaf i'w gweld yn Uned Mân Anafiadau Ysbyty Castell-nedd Port Talbot .

Mae ar agor rhwng 7.30am ac 11.00pm, saith diwrnod yr wythnos, yn Ysbyty Castell-nedd Port Talbot, Ffordd Baglan, Port Talbot, SA12 7BX. Rhif cyswllt: 01639 862160

Dod ar drafnidiaeth gyhoeddus? - Cynlluniwch eich taith yma

Mae tîm profiadol o ymarferwyr nyrsio brys sydd wedi'u hyfforddi'n arbennig, nyrsys brysbennu a gweithwyr cymorth gofal iechyd yn trin cleifion am fân gyflyrau gan gynnwys:

toriadau a mân losgiadau
ysigiadau a straeniau
esgyrn wedi torri
datgymalu'r ysgwydd, bysedd a bysedd traed
anafiadau i'r pen a'r wyneb heb golli ymwybyddiaeth ac nid yw'r claf yn cymryd meddyginiaeth gwrthgeulydd (teneuwr gwaed).
anafiadau i'r gwddf, lle rydych chi'n symudol heb unrhyw binnau na nodwyddau yn eich breichiau
anafiadau cefn lle rydych chi'n symudol ac nid yw'r boen wedi digwydd wrth i chi droi'ch cefn neu godi rhywbeth
cyrff tramor i lygaid, clustiau a thrwyn
anafiadau llygaid a chlust nad ydynt yn treiddio
anafiadau i'r asennau lle nad ydych chi'n pesychu gwaed ac nad oes gennych haint ar y frest
brathiadau (pryfed, anifail neu ddynol)
pigiadau pryfed
ymosodiadau.

NI ALL y tîm trin:

poen yn y frest
strôc
annwyd, peswch, dolur gwddf, echeara, brechau, tymereddau
heintiau wrinol, systitis neu broblemau cathetr
problemau deintyddol
damwain gydag anaf i abdomen / stumog
problemau anadlu
coesau, cymalau neu gefnau poenus
cwynion croen gan gynnwys cornwyd a brechau
clwyfau na chawsant eu hachosi yn ystod damwain.