Ymgysylltu â Chleifion Canolfan Feddygol Cheriton
Daeth yr ymgysylltiad hwn i ben ar 17 Chwefror 2023.
Mae Bwrdd Iechyd Prifysgol Bae Abertawe wedi cael gwybod y bydd Dr Dhamayanthi Vigneswaran, o Ganolfan Feddygol Cheriton, yn ymddiswyddo.
Y cyfnod rhybudd yw tri mis. Bydd Dr Vigneswaran yn gorffen darparu gwasanaethau ar 31 Mawrth 2023. Hoffai'r Bwrdd Iechyd gydnabod a ddiolch i Dr Vigneswaran am y gwasanaethau mae hi wedi’u darparu i'r gymuned am nifer o flynyddoedd.
Dr Vigneswaran yw'r unig Meddyg Teulu yng Nghanolfan Feddygol Cheriton, ac mae angen i'r Bwrdd Iechyd sicrhau bod cleifion Dr Vigneswaran yn gallu parhau i gyrchu gwasanaethau Meddyg Teulu. Trefnwyd Panel Practis Gwag i ystyried yr opsiynau sydd ar gael.
Bu’r pwyntiau a ystyriwyd gan y panel yn cynnwys:
- Sicrhau bod cleifion yn gallu parhau i gyrchu gwasanaethau gan bractis Meddyg Teulu ar ôl 31 Mawrth.
- Nid yw'r Bwrdd Iechyd yn dyfarnu contracau newydd i Feddygon Teulu Unigol, gan fod yna nifer o heriau o amgylch cynaliadwyedd am y dyfodol ac mae'n anodd recriwtio a chadw Meddygon Teulu
- Mae yna 12 o bractisau cyfagos sydd ar gael i gymryd cleifion newydd.
- Bydd gan gleifion fynediad ehangach i dimau clingol ehangach a gwasanaethau ychwanegol.
Ar ôl ystyriaeth ofalus, arghymhellodd y panel mai’r unig ospiwn ar gael i'r Bwrdd Iechyd er mwyn sicrhau y bydd cleifion yn gallu parhau i grychu gwasanaethau Meddyg Teulu o 31 Mawrth 2023 yw dyrannu'r rhestr. Mae hyn yn golygu y bydd angen i gleifion sydd wedi cofrestru â Chanolfan Feddygol Cheriton gael eu dyrannu i Bractis Meddyg Teulu arall.
Bydd angen i bob claf eu trosgwlyddo i bractis newydd erbyn 31 Mawrth 2023 i sicrhau bod cleifion yn parhau i gael mynediad at wasanaethau Meddyg Teulu.
Mae'r Bwrdd Iechyd yn cynnig gofrestru cleifion â phractis Meddyg Teulu sydd yn agosach at eu cartref. Bydd hyn yn dechrau o 1 Ebrill 2023 a bydd y practis Meddyg Teulu newydd yn derbyn cofnodion cleifion fel y bydd yn ymwybodol o'u hanes meddygol ac unrhyw feddyginiaethau y maen nhw'n eu cymryd.
Ni fydd angen i gleifion wneud unrhyw beth a byddan nhw'n gallu cysylltu â'u practis newydd o 1 Ebrill i gyrchu gwasanaethau.
Parhewch i ddefnyddio gwasanaethau Meddyg Teulu a Nyrsio yng Nghanolfan Feddygol Cheriton i fynychu unrhyw glinigau nes 31 Mawrth 2023.
Ymgysylltu â Chleifion a Rhanddeiliaid
Bydd ymgysylltiad cleifion a rhanddeiliad yn dechrau ar 23 Ionawr 2023 ac yn gorffen ar 17 Chwefror 2023.
Hoffai'r Bwrdd Iechyd eich gwahodd chi i rannu eich adborth ynghylch sut bydd y newidiadau hyn yn effeithio arnoch chi a beth allwn ni ei wneud i leihau'r effaith. Dyma sut y gallwch gyflwyno eich adborth:
- Dilynwch y ddolen hon a chwblhau ffurflen adborth Microsoft.
- Sganiwch y cod QR isod:
- Gallwch anfon e-bost at - SBU.CheritonPatientQueries@wales.nhs.uk
- Neu ffoniwch - 07815478291 a gadewch neges a byddwch yn cael eich galw yn ôl o fewn tri diwrnod gwaith.
Digwyddiad galw heibio
Bydd y Bwrdd Iechyd yn cynnig sesiwn galw heibio yng Nghanolfan Gymunedol Blaen-y-Maes a Phorthfedd ar 8 Chwefror rhwng 2pm a 6pm lle gallwch ddod draw i rannu eich safbwyntiau. Mae'n bosib y bydd sesiynau pellach yn y gymuned hefyd yn cael eu trefnu.
Dolenni defnyddiol
Dilynwch y ddolen hon i ddarllen llythyr at bob claf yng Nghanolfan Feddygol Cheriton.
Rydym yn croesawu gohebiaeth a galwadau ffôn yn y Gymraeg neu'r Saesneg. Atebir gohebiaeth Gymraeg yn y Gymraeg, ac ni fydd hyn yn arwain at oedi.